តាកែវៈ មានករណីគ្រោះថ្នាក់ចរាចរណ៍មួយ បានកើតឡើងរវាងរថយន្តម៉ាកហ៊ីលុច្សរ៉េវ៉ូ​ បានបុកជាមួយម៉ូតូសង់ បណ្តាលឲ្យស្សសាលាប្រុសស្រី៣នាក់ រងរបួសធ្ងន់ ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យ។

ហេតុការណ៍នេះកើតឡើងនៅម៉ោង៨និង៥០នាទីព្រឹក ថ្ងៃទី១៦ ខែមីនា ឆ្នាំ២០១៨ ស្ថិតនៅលើផ្លូវជាតិលេខ២ ចន្លោះគីឡូម៉ែត្រ៨៣-៨៤ ស្ថិតនៅចំណុចភូមិគោកឃ្មោង ឃុំរនាម ស្រុកទ្រាំង ខេត្តតាកែវ។

ករណីគ្រោះថ្នាក់ចរាចរណ៍នេះ កើតឡើងរវាងរថយន្តម៉ាក ហ៊ីលុច្សរ៉េវ៉ូ ពណ៌ស ពាក់ស្លាកលេខ ភ្នំពេញ 2AL-1870 បើកបរដោយឈ្មោះ ហុង វណ្ណារ៉ា ភេទប្រុស អាយុ៣១ឆ្នាំ ជាបុគ្គលិកក្រុមហ៊ុនសំណង់ បានបើករថយន្តពីត្បូងទៅជើង លុះដល់ចំណុចកើតហេតុ បានបត់ឆ្វេងស្របពេលនោះក៏មានម៉ូតូ១គ្រឿង ម៉ាកហុងដាសេ១២៥ ពណ៌ខ្មៅ ស៊េរីឆ្នាំ២០១៨ ពាក់ស្លាកលេខ តាកែវ 1P-8180 បានបុកជាមួយរថយន្តចំខាងឆ្វេង បណ្តាលឲ្យអ្នកបើកបរម៉ូតូដែលជាសិស្សសាលា ជិះឌុបសិស្សសាលា២នាក់ទៀត នៅខាងក្រោយ ពេញទំហឹង បណ្តាលឲ្យដួលរងរបួសធ្ងន់ទាំង៣នាក់ ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យខេត្តតាកែវ។

ចំណែករថយន្តនិងម៉ូតូ ត្រូវបានសមត្ថកិច្ចយកទៅរក្សាទុកនៅអធិការដ្ឋាននគរបាលនគរបាលខេត្តតាកែវ ដើម្បីរង់ចាំដោះស្រាយគ្នាពេលក្រោយតាមច្បាប់បន្តទៀត៕