ផ្ទះ ព័ត៌មានជាតិ ស្លាប់២នាក់ ខ...

ស្លាប់២នាក់ ខណៈជិះម៉ូតូលឿនផ្តាច់សង្ខារ បុករថយន្តពេញទំហឹង

0

ភ្នំពេញ: គ្រោះថ្នាក់ចរាចរណ៍រវាងរថយន្តMazda និងម៉ូតូឌ្រីមសេ១២៥ បណ្តាលឲ្យ​បុរស២នាក់ភ្លាមៗនៅហ្នឹង​កន្លែង​កើត​ហេតុ យ៉ាង​អាណោច​អាធ័ម កាលពីវេលាម៉ោង ២និង៤០នាទីរំលងអាធ្រាត្រឈានចូលថ្ងៃទី១៩ ខែមិថុនា ឆ្នាំ២០១៦ នៅត្រង់ចំណុចផ្លូវបែកជា៤ នៅតាមបណ្តោយផ្លូវលេខ៣១០ កែងនិងផ្លូវ៥១ ក្នុងសង្កាត់បឹងកេងកង១ ខណ្ឌចម្ការមន។

តាមប្រភពព័ត៌មានបានឲ្យដឹងថា មុនគេឃើញរថយន្ដMazda មួយគ្រឿងពណ៌ស ពាក់ស្លាកលេខភ្នំពេញ2AI-2668 បើកបរដោយបុរសម្នាក់យ៉ាងលឿនតាមបណ្ដោយផ្លូវលេខ៣០១ ទិសដៅពីលិចទៅកើត ខណ:មកដល់ចំណុចកើតហេតុ ក៏មានម៉ូតូម៉ាកហុងដាឌ្រីម១២៥ ពណ៌ខ្មៅ ពាក់ស្លាក់លេខកំពង់ធំ1A-2320 បើកយ៉ាងលឿនដូចហោះទៅបុកចំជុំហៀងរថយន្ដពេញទំហឹង បណ្ដាលឲ្យបុរសភាគីម៉ូតូម្នាក់ស្លាប់ភ្លាមៗនៅហ្នឹង​កន្លែងកើតហេតុ និងម្នាក់រងរបួសធ្ងន់ធ្ងរ ត្រូវរថយន្ដសាមុយដឹកយកទៅសង្គ្រោះនៅមន្ទីរ ដោយសភាពធ្ងន់ធ្ងរ បុរសរងគ្រោះ​ក៏ស្លាប់ ខណ:​ពេទ្យព្យាយាមសង្គ្រោះអស់ពីសមត្ថភាព។ចំណែម្ចាស់រថយន្ដភ្លាមនោះក៏រត់ចេញពីកន្លែងកើតហេតុ បាត់ស្រមោលបន្សល់ទុករថយន្ដនៅកន្លែងកើតហេតុ។

ក្រោយពេលកើងហេតុ សមត្ថកិច្ចបានចុះមកដល់ចំណុចខាង​លើ ធ្វើការវាស់វែងយក​រថយន្ត​ និងម៉ូតូ​ទៅរក្សាទុក​នៅការិយាល័យចរាចរណ៍ជើងគោករាជធានីភ្នំពេញ ដើម្បីធ្វើការដោះស្រាយនៅពេលក្រោយ។ ចំណែកសពបុរសទាំង២ សមត្ថកិច្ចប្រគល់ជូន​ក្រុម​គ្រួសារយកទៅធ្វើបុណ្យតាមប្រពៃណី៕

Loading...