ផ្ទះ ព័ត៌មានជាតិ ស្នងការដ្ឋានន...

ស្នងការដ្ឋាននគរបាលរាជធានីភ្នំពេញបកស្រាយបំភ្លឹពាក់ព័ន្ធនឹងកំហុសអចេតនារបស់សមត្ថកិច្ចក្នុងការសរសេរលើបង្កាន់ផាកពិន័យបទល្មើសចរាចរណ៍ដែលធ្វើឲ្យមានការបង្ហោះព័ត៌មានយល់ច្រឡំមកលើសមត្ថកិច្ច

0

យោងតាមផេករបស់អគ្គស្នងការដ្ឋាននគរបាលជាតិបានឲ្យដឹងថា សេចក្តីបកស្រាយបំភ្លឺរបស់ក្រុមការងារព័ត៌មាននិងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញទាក់ទងទៅនឹងការសរសេរប័ណ្ណផាកពិន័យខុសរបស់សមត្ថកិច្ចដែលធ្វើឲ្យមានការចុះផ្សាយយល់ច្រឡំរបស់គណនីហ្វេសបុកមួយឈ្មោះថាSarySa។
កាលពីយប់ថ្ងៃទី៣១ខែមករាឆ្នាំ២០២១វេលាម៉ោង២៣និង៤៧នាទីយប់កម្លាំងចម្រុះនៃអធិការដ្ឋាននគរបាលខណ្ឌដង្កោដែលកំពុងតែដាក់គោលដៅត្រួតពិនិត្យអនុវត្តរឹតបន្តឹងច្បាប់ចរាចរណ៍ផ្លូវគោកនិងពិនិត្យសារធាតុស្រវឹងបានធ្វើការឃាត់ម៉ូតូ១គ្រឿងម៉ាកហុងដាZoomerXពាក់ផ្លាកលេខកណ្តាល1X-៨៤៦៤ដែលល្មើសបើកបរម៉ូតូមានអត្រាជាតិស្រវឹង0.32mg/Lបើកបរដោយឈ្មោះវ៉ាន់វុធភេទប្រុសដោយសមត្ថកិច្ចបានយកម៉ូតូមករក្សាទុកនៅអធិការដ្ឋាននគរបាលខណ្ឌដង្កោ។លុះដល់ថ្ងៃទី០១ខែកុម្ភ:ឆ្នាំ២០២១វេលាម៉ោង០៨និង៣០នាទីព្រឹកឈ្មោះម៉ូវសារីភេទស្រីអាយុ២៣ឆ្នាំមុខរបរលក់ដូរដែលជាម្ចាស់ម៉ូតូបានចូលខ្លួនមកបង់ប្រាក់ពិន័យចំនួន២៥០,០០០រៀលតែពេលនោះដោយបង្កាន់ដៃបង់ប្រាក់មានចំនួន០២ក្បាលដាក់នៅជិតគ្នាមន្ត្រីចរាចរណ៍បានសរសេរច្រឡំយកបង្កាន់ដៃបង់ប្រាក់ដែលមានចំនួនទឹកប្រាក់៧៥,០០០រៀលហែកប្រគល់ជូនម្ចាស់ម៉ូតូជាក់ស្តែងគឺត្រូវពិន័យ២៥០,០០០រៀល។
បន្ទាប់ពីទទួលបានព័ត៌មាននេះភ្លាមកម្លាំងផ្នែកជំនាញបានទាក់ទងទៅឈ្មោះខាងលើនិងបានបកស្រាយពីកំហុសដោយអចេតនារបស់សមត្ថកិច្ចទើបឈ្មោះម៉ូវសារី(FBSarySa)បានយល់ច្បាស់ពីការផាកពិន័យនេះហើយគាត់ក៏មានការឯកភាពយកប័ណ្ណពិន័យអន្តរការណ៍ទឹកប្រាក់ចំនួន៧៥.០០០រៀលមកវិញហើយផ្នែកជំនាញបានសម្របសម្រួលជាមួយគាត់ប្តូរប័ណ្ណពិន័យអន្តរការទឹកប្រាក់ចំនួន២៥០.០០០រៀលជូនគាត់វិញ។
ក្រោយពីមានពន្យល់ណែនាំម្ចាស់គណនីហ្វេសបុកឈ្មោះSarySaយ៉ាងច្បាស់លាស់រួចមកគាត់ក៏បានយល់និងបានសរសេរអត្ថបទកែតម្រូវឡើងវិញនៅលើហ្វេសប៊ុករបស់គាត់ដែលមានឈ្មោះថាSarySaរួចរាល់ហើយដែរ៕

 

មតិយោបល់