Post News Media ព័ត៌មានជាតិ មេ​ក្លោ​ង​ក្ន...

មេ​ក្លោ​ង​ក្នុង​សុំ​ណុំ​រឿង​លួច​កាច់​សោ​ម៉ូតូ និង​គាស់​ផ្ទះយ៉ាងសកម្ម ត្រូវសមត្ថកិច្ចឃាត់ខ្លួនបានហើយ

ស្ទឹងត្រែង: បុរស​ម្នាក់​ ត្រូវ​កម្លាំង​នគរបាល​សម្រុកចូល​ចាប់ខ្លួន ខណ:កំពុង​រង់ចាំ​ទទួល​លុយ​ពី​បញ្ជ​វេ​លុយ ដោយដឹងខ្លួន​ទាន់ បុរសជាជនសង្ស័យ បានរត់ចូល​ពួន​ក្នុង​លូ តែ​ទ្រាំ​មិន​បានជា​មួយ​ក្លិនស្អុយ​ទឹកលូ ទើប​ងើបក្បាលឡើង​លើ ​ត្រូវ​សមត្ថកិច្ច​ចាប់​ជាប់។

ហេតុ​ការ​ណ៍នេះ បាន​កើតឡើង​កាលពី​វេលា​ម៉ោង​៤ និង​២៥​នាទី នៅ​ចំណុច​ទីតាំង​វេ​លុយ​១​កន្លែង ភូមិត្រពាំង​ព្រីង ហើយ​ត្រូវ​សមត្ថកិច្ច​ចាប់​បាន​នៅ​ម៉ោង​៤​និង​៣៥​នាទីថ្ងៃ​ទី​៧ ខែមេសា ឆ្នាំ​២០១៨ នៅ​ក្បែរ​ការិយាល័យ​បោះ​ឆ្នោតចាស់ ភូមិ​ព្រែក សង្កាត់​ស្ទឹង​ត្រែង ក្រុង​ស្ទឹង​ត្រែង។

ជនសង្ស័យ​ឈ្មោះ សល់ កាន់​យ៉ា ភេទ​ប្រុស អាយុ​ជាង​៣០​ឆ្នាំ មានស្រុក​កំណើត​ នៅ​ភូមិ​ទួល​ទ្រាល ឃុំ​ស្វាយ​ធំ ស្រុក​ស្វាយ​ជ្រុំ ខេត្តស្វាយរៀង ជា​មេ​ក្លោ​ង​ក្នុង​សុំ​ណុំ​រឿង​លួច​កាច់​សោ​ម៉ូតូ និង​គាស់​ផ្ទះ និង ជាប់​ពាក់ព័ន្ធ​សំណុំរឿង​ធំ​ៗ ​មួយ​ចំនួន​ទៀត ដែល​សមត្ថកិច្ច​ស្វែងរក​ចាប់ខ្លួន ។

តាមសមត្ថកិច្ច​ បានឲ្យ​ដឹង​​ថា មុនពេលឈានដល់ការចាប់ខ្លួនបុរសខាងលើនេះ គឺ​មានការ​តាមដាន​ និង​ស៊ើបអង្កេត​ដឹង​ថា ជនសង្ស័យបាន​លាក់ខ្លួន និង​ធ្វើ​សកម្មភាព​ដោយ​ចល័ត​ទៅ​មកចំនួន​៣​ខេត្ត គឺ​ខេត្តស្ទឹងត្រែង ខេត្តរតនគិរី និង​ខេត្តកំពង់ចាម ​ធ្លាប់​ជាប់​ពន្ធនាគារ​ជា​ច្រើន​លើក។

​បច្ចុប្បន្នជនសង្ស័យ ត្រូវឃាត់ខ្លួននៅប៉ុស្តិ៍នគរបាល ដើម្បីកសាងសំណុំរឿង បញ្ជូនទៅតុលាការចាត់ការបន្តតាមនីតិវិធី៕