Post News Media ព័ត៌មានជាតិ រថយន្តបើកឆ្លង...

រថយន្តបើកឆ្លងផ្លូវ ត្រូវម៉ូតូបុកពេញទំហឹង បណ្តាលឲ្យរងរបួសធ្ងន់ម្នាក់!

ភ្នំពេញ: បុរសម្នាក់បើករថយន្តចេញពីជេតកុងតឺន័រ ឆ្លងផ្លូវផុតហើយ ស្រាប់តែមានម៉ូតូមួយគ្រឿងជិះគ្នា៣នាក់ ក្នុងល្បឿនលឿនរេចង្កូតទៅបុករថយន្តពេញទំហឹង បណ្តាលឲ្យរងរបួសធ្ងន់ម្នាក់ស្រាល២នាក់។

ហេតុការណ៍នេះកើតឡើងកាលពីវេលាម៉ោង១និង៤០នាទីរំលងអធ្រាត្រ ឈានចូលថ្ងៃទី៩ ខែមេសា ឆ្នាំ២០១៨ ស្ថិតនៅតាមបណ្តោយផ្លូវរដ្ឋសភា សង្កាត់ទន្លេបាសាក់ ខណ្ឌចម្ការមន រាជធានីភ្នំពេញ។

តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុបុរសម្នាក់បើករថយន្តឡិចស៊ីស RX-300 ពណ៌ទឹកមាស មួយគ្រឿង ពាក់ស្លាកលេខ ភ្នំពេញ 2R-0990 បើកចេញពីជេតកុងតឺន័រ ឆ្លងផ្លូវបត់ទៅត្បូងជិតផុតហើយស្រាប់តែមានបុរស៣នាក់ជិះម៉ូតូម៉ាកស្មាស់វី មួយគ្រឿង ពាក់ស្លាកលេខ កំពង់ធំ 1F-0317 ជិះក្នុងល្បឿនលឿនរេចង្កូតទៅបុកចំចំហៀងខាងក្រោយខាងឆ្វេងរថយន្តបណ្តាលឲ្យរងការខូចខាតយ៉ាងដំណំ បង្កឲ្យរងរបួសស្រាល២នាក់ និងធ្ងន់ម្នាក់ត្រូចរថយន្តសាមុយដឹកយកទៅសង្គ្រោះបន្ទាន់ ។

ក្រោយពេលកើតហេតុសមត្ថកិច្ចក៏បានយករថយន្តនិងម៉ូតូយកទៅរក្សាទុកនៅការិយាល័យចរាចរណ៍ផ្លូវគោកនៃអធិការដ្ឋាននគរបាលខណ្ឌចម្ការមនដើម្បីរង់ចាំដោះស្រាយទៅតាមនិតិវិធីច្បាប់ ៕