Post News Media ព័ត៌មានអន្តរជាតិ គ្រោះរញ្ជួយដី...

គ្រោះរញ្ជួយដីកម្រិត ៦,១ រ៉ិចទ័រវាយប្រហារនៅជប៉ុន រងរបួសមនុស្ស ៣នាក់

ជប៉ុន: តាមប្រព័ន្ធផ្សព្វផ្សាយក្នុងស្រុក នៅព្រឹកថ្ងៃច័ន្ទនេះ បានឲ្យដឹងថា មានករណីគ្រោះរញ្ជួយដីមួយ បានវាយប្រហារនៅភាគខាងលិចប្រទេសជប៉ុន ដែលបណ្តាលឲ្យមនុស្ស ៣ នាក់រងរបួស និងបំផ្លាញអគារ ក៏ដូចជាផ្លូវថ្នល់ជាច្រើន។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី៩ ខែមេសា ឆ្នាំ២០១៨។

រញ្ជួយដីនេះ មានកម្រិត ៦,១ រ៉ិចទ័រ បានវាយប្រហារក្នុងជម្រៅរាក់ នៅភាគខាងលិចកោះ Honshu ចម្ងាយ ៩៦ គីឡូម៉ែត្រ ពីខាងជើងទីក្រុងហ៊ីរ៉ូស៊ីម៉ា។

សូមជំរាបថា ករណីនេះដែរ បានបណ្ដាលឲ្យប្រជាជនប្រហែល ១០០ គ្រួសារ គ្មានទឹកប្រើប្រាស់ និង ៥០ គ្រួសារទៀតពុំមានអគ្គិសនីផ្គត់ផ្គង់ទ្បើយ៕