Post News Media ព័ត៌មានជាតិ ចាប់រំលោភ​ប្អ...

ចាប់រំលោភ​ប្អូនថ្លៃ​អាយុ​ទើប​១០​ឆ្នាំ​បានសម្រេច រត់គេចខ្លួនបាន៥ថ្ងៃ ជាប់ខ្នោះ!

​ភ្នំពេញ:​ បុរសម្នាក់ត្រូវបានសមត្ថកិច្ចចាប់ខ្លួន កាលពី​វេលា​ម៉ោង​៨​ព្រឹក ​ថ្ងៃទី​៨​ ខែមេសា ​ឆ្នាំ​២០១៨​ ពីបទ​រំលោភ​ប្អូនថ្លៃ​អាយុ​ទើប​១០​ឆ្នាំ​រហូត​បានសម្រេច ​ខ​ណ:​ដែល​ប្រពន្ធ​កូន​មិន​នៅផ្ទះ​។​

ក្រោយពីធ្វើសកម្មភាពរួច​ជនសង្ស័យ​បាន​រត់គេចខ្លួនបាន​៥​ថ្ងៃក្រោយ​ទើប​សមត្ថកិច្ច​តាម​ចាប់ខ្លួនបាន​នៅត្រង់​ចំណុច​ស្ពាន​អាកាស​៧​មករា​។ ​រីឯទីតាំងកន្លែងកើតហេតុ​គឺស្ថិតនៅ​ភូមិ​ទួល​ពង្រ​ សង្កាត់​ចោមចៅ​១ ខណ្ឌ​ពោធិ៍សែន​ជ័យ រាជធានី​ភ្នំពេញ ។​

តាម​សមត​្ថ​កិច្ច​បានឲ្យដឹងថា​ជនសង្ស័យខាងលើមាន​ឈ្មោះ សៅ គឹម​ស្រន់ ភេទ​ប្រុស អាយុ​៣០​ឆ្នាំ មុខរបរកម្មករសំណង់ ស្នាក់នៅ​បន្ទប់​ជួល​ក្នុង ភូមិ​ទួល​ពង្រ សង្កាត់​ចោមចៅ​១ ខណ្ឌ​ពោធិ៍សែន​ជ័យ ។ ចំណែក​ក្មេងស្រីដែលជាជន​រងគ្រោះ ហើយត្រូវជា​ប្អូនថ្លៃផងនោះ មានឈ្មោះ អ​. ស​. ឡ អាយុ​ទើបតែ​១០​ឆ្នាំ​ប៉ុណ្ណោះ។

​ទង្វើ​ដ៏សែនស្មោកគ្រោករបស់​ជន​សង្ស័យខាងលើ ត្រូវបាន​ក្រុមគ្រួសារ​ប្តឹង​សមត្ថកិច្ច តាំពីថ្ងៃកើតហេតុរហូតដល់​៥​ថ្ងៃក្រោយទើបតាមចាប់ខ្លួនបាន នៅ​ព្រឹក​ថ្ងៃទី​៨​ខែមេសា ឆ្នាំ​២០១៨ ដែលកម្លាំងសមត្ថកិច្ច​ខណ្ឌ​ពោធិ៍​សែន​ជ័យ​តាម​ចាប់ខ្លួនបាន​នៅ​ចំណុច​ស្ពាន​អាកាស​៧​មករា ដើម្បីបញ្ជូនទៅ​ផ្នែក​ជំនាញ អធិការដ្ឋាន​ខណ្ឌ ពោធិ៍សែនជ័យដើម្បី​កសាង​សំណុំរឿង​ចាត់ការ​ទៅតាម​នីតិវិធីច្បាប់ ៕