(ត្បូងឃ្មុំ)៖ លំនៅឋានរបស់ប្រជាពលរដ្ឋចំនួន១ខ្នង ដែលសាងសង់ឡើងអំពីឈើប្រក់ក្បឿង ទំហំ៧គុណ១៥ម៉ែត្រ ត្រូវបានអគ្គិភ័យលេបត្របាក់ទាំងស្រុង គ្រាដែលម្ចាស់ផ្ទះបានប្រើប្រាស់ចង្ក្រានហ្គាសដាំបាយ ហើយត្រូវផ្ទុះកំប៉ុងហ្គាស ។ ដែលហេតុការណ៍នេះបានកើតឡើងកាលពីវេលាម៉ោង១២និង២៥នាទីថ្ងៃត្រង់ ថ្ងៃទី១២ មេសា ២០១៦ ស្ថិតនៅក្នុងភូមិតាបាវបំពេញទេស ឃុំរការពប្រាំ ស្រុក-ខេត្តត្បូងឃ្មុំ ។
មន្ត្រីនគរបាលមូលដ្ឋានបានឲ្យដឹងថា ម្ចាស់ផ្ទះដែលរងគ្រោះដោយអគ្គិភ័យខាងលើមានឈ្មោះធេន ឡុងហ៊ត់ ភេទប្រុស អាយុ៦៥ឆ្នាំ និងប្រពន្ធឈ្មោះសុខ អេង អាយុ៥៨ឆ្នាំ រស់នៅក្នុងភូមិកើតហេតុខាងលើ
ទ្រព្យសម្បត្តិដែលត្រូវអគ្គីភ័យឆាបឆេះរួមមាន ៖
លុយខ្មែរ៥០ម៉ឺនរៀល ប្រាក់ដុល្លារ៣០០ដុល្លារ មាស៥ជី ស្រូវ១៥បេ ម៉ាស៊ីនបូមទឹក១គ្រឿង ផ្លង់ដីចំនួន៤ផ្លង់ និងទ្រព្យសម្បត្តិមានតម្លៃមួយចំនួនទៀត ។
ទោះបីជាយ៉ាងណាករណីអគ្គិភ័យនេះ មិនមានមនុស្សរងរបួស ឬក៏ស្លាប់បាត់បង់ជីវិតឡើយ ៕
មតិយោបល់