Post News Media ព័ត៌មានជាតិ ជិះម៉ូតូមិនប្...

ជិះម៉ូតូមិនប្រយត្ន័ ទៅបុករថយន្តធ្វើផ្លូវ ដែលឈប់ស្ងៀម បណ្តាលឲ្យស្លាប់មួយរំពេច!

សៀមរាប: កាលពីវេលាម៉ោង៨និង៥នាទីយប់ ថ្ងៃទី២៦ ខែមេសា ឆ្នាំ២០១៨ មានករណីគ្រោះថ្នាក់ចរាចរណ៍មួយរវាងរថយន្ត និងម៉ូតូ ដែលបើកក្នុងទិសដៅស្របគ្នាពីលិចទៅកើត បានបុកគ្នាពេញទំហឹង នៅចំណុចផ្លូវជាតិលេខ៦ ភូមិស្ទឹងព្រះស្រុក ឃុំល្វា ស្រុកពួក ខេត្តសៀមរាប រហូតបណ្តាលឲ្យបុរសម្នាក់ ស្លាប់យ៉ាងរន្ធត់។

ករណីនេះបង្កឡើងដោយរថយន្តម៉ាក Mitsubshi ពណ៌ស គ្មានស្លាកលេខ ជារថយន្តប្រភេទធ្វើផ្លូវ (ស៊ីតែនដឹកកៅស៊ូ) បានឈប់ ដោយមានដាក់ឈើ ផ្លាកសញ្ញា តែត្រូវម៉ូតូសេ១២៥ ពណ៌ខ្មៅ ឆ្នាំ២០១១ ពាក់ស្លាកលេខ បន្ទាយមានជ័យ 1E-6331 បើកបរដោយបុរសម្នាក់ មកបុកផ្លាកសញ្ញា ហើយបន្តមកបុកជាមួយនិងរថយន្ត ទើបបណ្តាលឲ្យស្លាប់តែម្តង៕