Post News Media ព័ត៌មានជាតិ ​ផ្ទះប្រជាពលរ...

​ផ្ទះប្រជាពលរដ្ឋមួយខ្នង ត្រូវចោរធ្វើសកម្មភាពលួចគាស់ផ្ទះយកទ្រព្យសម្បត្តិមានតម្លៃ

ប៉ៃលិន: កាលពី​វេលាម៉ោង១២និង៣០នាទី យប់ឈានចូលថ្ងៃទី២៨ ខែមេសា ឆ្នាំ២០១៨ មានករណីចោរលួចគាស់ផ្ទះ​របស់​ប្រជាពលរដ្ឋ​មួយករណី​ បានកើតឡើងនៅចំណុច ផ្លូវចំណូរកំពូលភ្នំ​ ស្ថិតក្នុងភូមិផ្សារព្រំជេីង ឃុំស្ទឹងកាច់ ស្រុកសាលាក្រៅ ខេត្តប៉ៃលិន។

ជនរងគ្រោះជាម្ចាស់ផ្ទះមានឈ្មោះ ផាត់​ ភី​ ភេទ​ប្រុស​ អាយុ​៤១ឆ្នាំ​ រស់នៅក្នុងភូមិ-ឃុំកេីតហេតុខាងលើ។

ក្នុងនោះដែរ ទ្រព្យសម្បត្តិដែលបាត់បង់រួមមាន៖ លុយ​ ១,២០០,០០០ (មួយលានម្ភៃម៉ឺន​ ប្រាក់​បាត ៥០០០​(ប្រាំពាន់បាត) , ចិញ្ជៀន​ផ្លាកទីន​មួយ​វង់ តម្លៃ​ ៧០០ដុល្លា​រ (ប្រាំពីរយដុល្លា) ,នាឡិកា​មួយ​តម្លៃ​ ៤០​សិបដុល្លារ,​ ទូរសព្ទម៉ាក VIVO 7​ មួយ​គ្រឿង​ តម្លៃ​ ១២,០០០បាត់(មួយម៉ឺនពីរពាន់បាត) , ទូរសព្ទ Nokia មួយគ្រឿង​តម្លៃ ៤០០ម៉ឺនរៀល (បួនម៉ឺនរៀល) , កាបូបចំនួន​ ២ ដែលដាក់​ របស់មានតម្លៃត្រូវបានចោរលួចយកទៅប្លុងចោលនៅក្រោមដេីមអំពិលទឹកនៅក្បែរផ្ទះជនរងគ្រោះ។​

បច្ចុប្បន្ន ករណីខាងលើកម្លាំងជំនាញ​ នៃអធិការដ្ឋាននគរបាល​ស្រុកសាលាក្រៅ​កំពុងធ្វើ​ការស៊ើបអង្កេតស្រាវជ្រាវដើម្បីចាត់ការទៅតាមនីតិវិធីច្បាប់៕