ភ្នំពេញ: បុរសម្នាក់ស្រវឹងធ្លាក់ភ្នែក បើករថយន្តបាឡែនមួយគ្រឿង បោះពួយយ៉ាងលឿនក៏ជ្រុលទៅបុករថយន្តបាឡែនមួយគ្រឿង បណ្តាលឲ្យរថយន្តមួយគ្រឿងជ្រុលទៅបុករបាំងថ្មពុះចែកទ្រូងផ្លូវ និងមួយគ្រឿងទៀតជ្រុលទៅបុកទ្វារផ្ទះរបស់ប្រជាពលរដ្ឋ រងការខូចខាតទាំងសងខាង។
ហេតុការណ៍នេះបង្កឲ្យមានការណ៍ភ្ញាក់ផ្អើលឡើងកាលពីវេលាម៉ោង១១និង៥០នាទីយប់ ថ្ងៃទី១៥ ខែមិថុនា ឆ្នាំ២០១៨ត្រង់ចំណុចក្បែរវិទ្យាល័យជាស៊ីមសាមគ្គី តាមបណ្ដោយផ្លូវ២៧១ កែងនិងផ្លូវបេតុង ស្ថិតក្នុងសង្កាត់បឹងសាឡាង ខណ្ឌទួលគោក រាជធានីភ្នំពេញ។
តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុ គេឃើញបុរស២នាក់បើកបររថយន្តមួយគ្រឿងម៉ាក កាមរីបាឡែន ពណ៌ស្ករ ពាក់ស្លាក់លេខ ភ្នំពេញ 2AC-3067 ដោយធ្វើដំណើរតាមបណ្ដោយផ្លូវបេតុង ចេញពីខាងក្រោយវិទ្យាល័យជាស៊ីមសាមគ្គីឆ្ពោះ ទៅផ្លូវ២៧១។ លុះមកដល់ចំណុចកើតហេតុរថយន្ដខាងលើក៏បានបត់ស្ដាំទៅផ្លូវ២៧១ បំណងឆ្ពោះទៅស្តុបណូគារ ខណ:ពេលនេះស្រាប់តែមានរថយន្តបង្កមួយគ្រឿងទៀតម៉ាក កាមរីបាឡែន ពណ៌ទឹកប្រាក់ ពាក់ស្លាកលេខ ភ្នំពេញ2AQ-0180 ដែលបើកបរដោយបុរសម្នាក់ក្នុងស្ថានភាពស្រវឹង តាមបណ្ដោយផ្លូវ២៧១ ដោយបើកមកពីខាងស្ពានអាកាសស្ទឹងមានជ័យឆ្ពោះទៅស្តុបណូគារ ក្នងល្បឿនយ៉ាងលឿន។ រួចរថយន្ដបង្កក៏ជ្រុលចង្កូតទៅបុករថយន្តរងគ្រោះខាងលើចំកង់ខាងមុខចំហៀងខាងឆ្វេងបណ្តាលឲ្យរថយន្តរងគ្រោះជ្រុលចង្កូតទៅខាងស្ដាំទៅទ្វារផ្ទះរបស់ប្រជាពលរដ្ឋដែលក្បែរនោះរងការខូចខាតវាចបន្តិចបន្តួច។ រីឯរថយន្តរងគ្រោះរងការខូចខាតដាច់ក្រឡេកង់ខាងមុខចំហៀងខាងឆ្វេង ដោយឡែករថយន្តបង្កបានជ្រុលចង្កូតទៅខាងឆ្វេងទៅបុកនិងរបាំងថ្មពុះចែកទ្រូងផ្លូវបាក់វាចអស់២កង់។ ចំណែកឯរថយន្តរងការខូចខាតក្រពឹតកាងនិងដាច់ក្រឡេកង់ខាងមុខទាំងសងខាងទៅមុខលែងរួច ។
ក្រោយពេលកើតហេតុសមត្ថកិច្ចមូលដ្ឋានបានចុះមកដល់ចំណុចកើតហេតុហើយបានទាក់ទងទៅសមត្ថកិច្ចជំនាញឲ្យចុះមកធ្វើការវាស់វែងស្ទួចយករថយន្តទាំង២គ្រឿងទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ ដើម្បរង់ចាំធ្វើការដោះស្រាយគ្នាទៅតាមផ្លូវច្បាប់នៅពេលក្រោយ៕
មតិយោបល់