Post News Media ព័ត៌មានជាតិ ​រថយន្តមួយគ្រ...

​រថយន្តមួយគ្រឿង ចាប់ហ្រ្វាងមិនទាន់ ទៅបុក​ម៉ូតូ​សណ្ដោង​រឺម៉ក បណ្ដាលឲ្យរបួស ២នាក់

ប៉ៃលិន: កាលពី​វេលា​ម៉ោង​ ២​ និងង៣០​ នាទី​រសៀល​​ថ្ងៃ១៦ ខែមិថុនា​ ឆ្នាំ​២០១៨ មាន​ករណី​គ្រោះថ្នាក់​ចរាចរណ៍​មួយ​​ រវាង​និង​ម៉ូតូ​សណ្ដោង​រឺម៉ក នៅចំណុចផ្លូវបំបែកភូមិបុសស្អំ ស្ថិតក្នុងភូមិបុសស្អំ​ ឃុំស្ទឹងកាច់​ ស្រុ​ក​សាលាក្រៅ​ ខេត្ត​ប៉ៃលិន​ បណ្ដាល​មនុស្ស​​ ២នាក់​ រងរបួស​​។

ជនរងគ្រោះទី១ ​ឈ្មោះ​ ម៉ៃ​ ភេទ​ប្រុស​ អាយុ​ ២២ឆ្នាំ​ មុខរប​ លក់ពូក​ ​រស់នៅ​ខេត្ត​សៀមរាប​ បើក​ម៉ូតូ​សណ្ដោង​រឺម៉ក​ដឹកពូក រងរបួស​ដៃ​ និង​ក្បាល និងទី២ ឈ្មោះ​ ស៊ីន​ ភេទ​ ប្រុស​ អាយុ​ ២៥ឆ្នាំ​ មុខរបរ​ លក់ពូក រស់នៅ​ភូមិ​ក្បាលស្ពាន​ ​ឃុំ​ក្បាល​ស្ពាន ក្រុង​ប៉ោយប៉ែត​ ខេត្ត​បន្ទាយមានជ័យ​ រួមដំណើរជាមួយគ្នា​ រងរបួសជើង​ និង​ដៃ​។

ចំណែក​ភាគីខាង​រថយន្ត​ឈ្មោះ​ តេន​ ណារិទ្ធ ភេទប្រុសអាយុ៣១ ឆ្នាំ មុខរបរ អាជីវករ​​ បើក​រថយន្ត​ម៉ាក​ Camery Prus ពណ៌​ស​ ពាក់​ស្លាកលេខ​ ​ភ្នំពេញ 2AI-0833 បើកបរពីកើតទៅលិច រួមដំណើរ​គ្នា​​ ៥ នាក់ ពុំមានអ្នករបួសនោះទេ។

ករណីសមត្ថកិច្ច បានឲ្យដឹងថា ដោយសារ​​ម៉ូតូ​សណ្ដោង​​រឺម៉ក​ឆ្លងផ្លូវ​ខ្វះការ​ប្រុងប្រយ័ត្ន​ ហើយ​រថយន្ត​ចាប់ហ្រ្វាងមិនទាន់ក៏​ជ្រុល​ទៅ​បុក​ពេញមួយទំហឹងតែម្តងទៅ។

បច្ចុប្បន្ន​ជនរងគ្រោះ ​ត្រូវបានបញ្ជូនទៅព្យាបាលនៅមន្ទីរពេទ្យ​បង្អែក​ខេត្តប៉ៃលិន រីឯ​យាន​​បង្ក​ត្រូវ​បានយកទៅរក្សាទុកនៅអធិការដ្ឋាននគរបាលស្រុកសាលាក្រៅ​រង់ចាំការដោះស្រាយ៕

Loading...