កោះកុងៈ ករណីគ្រោះថ្នាក់ចរាចរណ៍មួយ បង្កទ្បើងដោយរថយន្តកាមរីឆ្លាម១គ្រឿង បានបើកយ៉ាងលឿនខណៈមេឃកំពុងភ្លៀង ក៏ជ្រុលចង្កូតទៅបុកគល់ស្ពាន បណ្តាលឲ្យមនុស្សជាច្រើននាក់រងរបួសយ៉ាងធ្ងន់ធ្ងរ និងរថយន្តខូចខាតយ៉ាងដំណំ។
ហេតុការណ៍គ្រោះថ្នាក់នេះ កើតឡើងកាលពី ម៉ោង៦ព្រឹក ថ្ងៃទី១៧ មិថុនា ២០១៨ នៅលើផ្លូវជាតិលេខ៤៨ ត្រង់ចំណុចស្ពាន ចន្លោះគីឡូម៉ែត្រលេខ១៣៨-១៣៩ ស្ថិតក្នុងភូមិបឹងឃុនឆាង សង្កាត់ស្មាច់មានជ័យ ក្រុងខេមរៈភូមិន្ទ ខេត្តកោះកុង។
តាមសមត្ថកិច្ច បានឲ្យដឹងថា មុនកើតហេតុ រថយន្តខាងលើ បានចេញដំណើរពីច្រកទ្វារអន្តរជាតិចាំយាមឆ្ពោះទៅខេត្តកំពត ក៏ស្រាប់តែជួបគ្រោះថ្នាក់ចរាចរណ៍ជាយថាហេតុបែនេះតែម្ដង បណ្តាលមនុស្ស៧នាក់ រួមមានទាំងក្មេង និងចាស់រងរបួសយ៉ាងធ្ងន់ ត្រូវបានដឹកតាមរថយន្តសង្គ្រោះមន្ទីរពេទ្យបង្អែកខេត្ត ដើម្បីសង្គ្រោះបន្ទាន់ ។
ក្រោយកើតហេតុភ្លាម សមត្ថកិច្ចជំនាញ បានចុះធ្វើការវាស់វែង និងស្ទូចរថយន្តយកទៅរក្សាទុកនៅអធិការដ្ឋាននគរបាលក្រុងខេមរៈភូមិន្ទ ដើម្បីដោះស្រាយនៅពេលក្រោយ៕
មតិយោបល់