ព័ត៌មានជាតិ

ហួសចិត្ត! លួចទូរសព្ទបានហើយ យកAccount FB ម្ចាស់ទូរសព្ទមកLiveទៀត ត្រូវបានសមត្ថកិច្ចស្រាវជ្រាវឃាត់ខ្លួនបាន!!!

កណ្តាល: ជនសង្ស័យម្នាក់ ត្រូវបានសមត្ថកិច្ចឃាត់ខ្លួន ក្រោយពីបានធ្វើសកម្មភាពលួចទូរសព្ទគេបានហើយ ថែមទាំងយកAccount FB ម្ចាស់ទូរសព្ទមកLiveទៀត ទីបំផុតត្រូវបានសមត្ថកិច្ចស្រាវជ្រាវឃាត់ខ្លួនបាន កាលពីវេលាម៉ោង៥និង៣០នាទី ថ្ងៃទី២០ ខែមិថុនា ឆ្នាំ២០១៨ ចំណុចភូមិពពែ ឃុំជ្រៃលាស់ ស្រុកពញាឮ ខេត្តកណ្តាល។

ជនរងគ្រោះឈ្មោះ រស់ ផល ភេទប្រុស អាយុ៤៣ឆ្នាំ ជនជាតិខ្មែរ មុខរបរលក់គ្រឿងសំណង់ មានទីលំនៅភូមិពពែ ឃុំជ្រៃលាស់ ស្រុកពញាឮ ខេត្តកណ្តាល។ ជនសង្ស័យមានគ្នាចំនួន២នាក់ ៖១-ឈ្មោះ អ៊ិត រីម ភេទប្រុស អាយុ២០ឆ្នាំ ជនជាតិខ្មែរមុខរបរនេសាទ មានទីលំនៅភូមិពពែ ឃុំជ្រៃលាស់ ស្រុកពញាឮ ខេត្តកណ្តាល (ឃាត់ខ្លួន)។២-ឈ្មោះ សិទ្ធ ភេទប្រុស អាយុ២៤ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិស្លែងដីដុះ ឃុំព្រែកតាទែន ស្រុកពញាឮ ខេត្តកណ្តាល (គេចខ្លួន) ។

សម្ភារ: បាត់បង់មាន៖
-ទូរសព្ទ័០១គ្រឿងម៉ាក HUAWEI ពណ៌ស (រកឃើញវិញ) ។
-ប្រាក់រៀល ជាង១០ម៉ឺនរៀល
-ប្រាក់ដុល្លារ ១,០០០ដុល្លារ ។

មុនពេលកើតហេតុ កាលពីនៅថ្ងៃ១៨ ខែមិថុនា ឆ្នាំ២០១៨ វេលាម៉ោង១០និង៣០នាទី ជនរងគ្រោះបានត្រឡប់មកពីហូបការគេវិញ ពេលមកដល់ផ្ទះ ជនរងគ្រោះបានដោះសម្លៀកបំពាក់ទុកលើប៉ាវអ៊ី ដោយមានកូនកាបូបទុកលុយមានចំនួន ដូចខាងលើនៅក្នុងហោប៉ៅខោនោះផងដែរ។ ចំណែកទូរសព្ទជនរងគ្រោះបានដាក់បញ្ជូលថ្មលើតុមុខទូរទស្សន៍ រួចជនរងគ្រោះក៏ដេកលក់នៅលើគ្រែតែម្តងទៅ។ លុះព្រឹកឡើងថ្ងៃទី១៩ ខែមិថុនា ឆ្នាំ២០១៨ វេលាម៉ោង៥ព្រឹកជនរងគ្រោះបានភ្ញាក់ពីដំណេក រួចហើយបានយកទូរសព្ទនៅកន្លែងបញ្ជូលថ្ម ស្រាប់តែបាត់មិនឃើញរួចទៅបានទៅស្ទាបហោប៉ៅខោរបស់ខ្លួនរកកូនកាបូបដាក់លុយស្រាប់តែឃើញបាត់លុយមិនឃើញ សល់តែកូនកាបូបមានលុយចំនួន ៥០០រៀល ក្នុងកាបូបទុកនៅលើប៉ៅអ៊ី។ លុះដល់វេលាម៉ោង១និង៣០នាទីថ្ងៃខែឆ្នាំដដែល កូនរបស់ជនរងគ្រោះបានឆែកមើលFacebook ស្រាប់តែឃើញឈ្មោះ អ៊ិត រីម បាន account Facebook របស់ឪពុកខ្លួនថតបង្ហោះរូបភាពផ្ទាល់ខ្លួន ពេលនោះទើបដឹងថា៖ ឈ្មោះ អ៊ិត រីម ជាអ្នកចូលលួចទូរសព្ទ។ បន្ទាប់មកជនរងគ្រោះក៏ បានប្តឹងមកសមត្ថកិច្ចប៉ុស្តិ៍ជ្រៃលាស់ ដោយចោទប្រកាន់ទៅលើជនសង្ស័យដែលមានឈ្មោះខាងលើនោះតែម្ដង។

បន្ទាប់មកកម្លាំងប៉ុស្តិ៍ បានសហការជាមួយកម្លាំងជំនាញឃាត់ខ្លួនជនសង្ស័យនិងវត្ថុតាងទូរសព្ទបញ្ជូនមកកាន់អធិការដ្ឋាននគរបាលស្រុពញាឮដើម្បីសាកសួរ។

តាមចម្លើយសារភាពរបស់ជនសង្ស័យឈ្មោះអ៊ិត រីម បានសារភាពថា៖នៅថ្ងៃ ខែ ឆ្នាំវេលាម៉ោងកើតហេតុខ្លួន និងបក្ខពួកម្នាក់ទៀតឈ្មោះសិទ្ធ បានទិញស្រាបៀរ១យួរផឹក ពេលផឹកអស់ស្រាខ្លួនក៏យកថ្នាំញៀនជក់ជាមួយឈ្មោះសិទ្ធ ពេលនោះខ្លួន និងឈ្មោះសិទ្ធិ បាននិយាយគិតគ្នាថានឹងធ្វើសកម្ម
ភាពចូលលួចសម្ភារ: ក្នុងផ្ទះរបស់ជនរងគ្រោះ ដោយពេលនោះខ្លួនជាអ្នកចូលលួចយកបានទូរសព្ទ។ រីឯឈ្មោះ សិទ្ធខ្លួនពុំដឹងថា លួចបានអ្វីខ្លះទេ។ បច្ចុប្បន្នជនសង្ស័យ កំពុងឃាត់ខ្លួននៅអធិការដ្ឋាននគរបាលស្រុកពញាឮដើម្បីកសាងសំណុំរឿងបន្តចាត់ការតាមនីតិវិធី៕​

មតិយោបល់