ភ្នំពេញៈ ករណីគ្រោះថ្នាក់ចរាចរណ៍មួយកើតឡើងដោយបុរសម្នាក់ស្រវឹងធ្លាក់ភ្នែក បើកម៉ូតូលឿនដូចព្យុះ បោលបុកម៉ូតូរ៉ឺម៉កកង់បីពេញទំហឹង បណ្តាលឲ្យសន្លប់ស្តូកនៅហ្នឹងកន្លែងកើតហេតុ កាលពីវេលាម៉ោង៨និង៣០នាទីយប់ ថ្ងៃទី២៣ ខែមិថុនា ឆ្នាំ២០១៦ ត្រង់ចំណុចផ្លូវកែង បំបែកជាបីច្រកចូលផ្សារព្រៃទា ភូមិព្រៃទា សង្កាត់ចោមចៅ ខណ្ឌពោធិ៍សែនជ័យ។
ប្រភពឲ្យដឹងថា មុនពេលកើតហេតុ បុរសម្នាក់ត្រូវបានគេដឹងថា ឋិតក្នុងសភាពស្រវឹងជោកជាំ ជិះម៉ូតូម៉ាកសេ១២៥ មួយគ្រឿង ពណ៌ខ្មៅ បោះពួយយ៉ាងលឿនជ្រុលទៅបុកពីមុខម៉ូតូរ៉ឺម៉កកង់បី បណ្តាលឲ្យសន្លប់ស្តូកនៅហ្នឹងកន្លែង បង្កការភ្ញាក់ផ្អើលដល់ពលរដ្ឋទាប់យប់អាធ្រាត្រ។
ប្រភពបន្តថា ភ្លាមៗនោះ ជនរងគ្រោះត្រូវបានរថយន្តសង្រ្គោះរបស់អង្គភាព៧១១ បញ្ជូនទៅមន្ទីរពេទ្យព្រះកុសុមះ៕
មតិយោបល់