ស្រុកមេមត់ ៖ កាលថ្ងៃទី ១៩ ខែវិច្ឆិកា ឆ្នាំ ២០២១ វេលាម៉ោង ១០ និង៣៥នាទីព្រឹក មានគ្រោះថ្នាក់ចរាចរណ៍មួយកើតឡើង បង្កឡើងដោយ រថយន្តធំដឹកអេស្កាវាទ័រមួយគ្រឿង ដាច់ហ្រ្វាំង ហើយបុករះនៅចំណុចផ្សារមេមត់ ពីមុខផ្ទះសំណាក់ អង្គជុំ រហូតដល់ហាងលក់កុំព្យូទ័រ លី ហេង លក់កុំព្យូទ័រ មេមត់។ ករណីនេះបង្កឲ្យមានអ្នកស្លាប់ពីរនាក់ របួសធ្ងន់ និងបង្កខូចខាតទ្រព្យសម្បត្តិ ។
ក្នុងហេតុការណ៍គ្រោះថ្នាក់ចរាចរណ៍ នៅផ្សារមេមត់ ឃុំមេមត់ ស្រុកមេមត់ ខេត្តត្បូងឃ្មុំ កាលពីម្សិលមិញនោះបានធ្វើឲ្យក្មេងស្រីរងគ្រោះមានឈ្មោះ រិន រ៉ា ហៅក្រៅ កញ្ញា ភេទស្រី អាយុ ២០ឆ្នាំ នៅភូមិជាំទូក (បុស្សស្បូវ) ឃុំរូង ស្រុកមេមត់ ខេត្តត្បូងឃ្មុំ បានស្លាប់ភ្លាមៗនៅកន្លែងកើតហេតុ។
មុនគ្រោះថ្នាក់ប្អូនស្រី បានប្រាប់អ្នកផ្ទះថាមកអ៊ុតសក់ នៅផ្សារមេមត់ ។ តាមការបញ្ជាក់ពីមិត្តជិតស្និទ្ធរបស់ប្អូនស្រីបានប្រាប់ថា គ្រួសារ សពខាងលើបានដឹងហេតុការណ៍ គ្រោះថ្នាក់ដែរ តែមិនបានចាប់អារម្មណ៍ ទៅលើកូនស្រី ស្មានតែកូនស្រីលួចដើរលេងទៅណា លុះម៉ោងប្រមាណ ៥ល្ងាច ទើបមានគេបង្ហាញរូបថត ហើយអ៊ំស្រីម្នាក់ក៏បានស្រែកឡើងថា ពិតជាកញ្ញា ដែលជាក្មួយស្រី ទើបនាំគ្នាមកយកសពទៅធ្វើបុណ្យ៕
មតិយោបល់