Post News Media ព័ត៌មានជាតិ តូចចិត្តលេងទ្...

តូចចិត្តលេងទ្បូតូចាញ់ ខឹងសុំលុយប្ដី១ម៉ឺនលេងបន្តមិនបាន ទៅដល់ផ្ទះវិញ ធ្វើអត្តឃាតចង.កសម្លាប់ខ្លួនឯង

បាត់ដំបង: កាលពី​វេលាម៉ោង ​៣​និង​៣០​នាទី​រសៀល​ថ្ងៃ​ទី​៧ មិថុនា ២០១៨ មានករណីស្ត្រី​ម្នាក់ធ្វើ​អត្តឃាតចង.កសម្លាប់ខ្លួន ​​នៅ​ក្នុងភូមិ​ខ្នារ​មាស ឃុំ​ខ្នាចរមាស ស្រុក​ប​វេ​ល​។

ស្ត្រី​រង​គ្រោះ​ឈ្មោះ កាក់ គឹ​ម​ស្រន់ អាយុ​២០​ឆ្នាំ រស់នៅ​ចំណុច​កើតហេតុ​ខាងលើ ​បាន​យក​ខ្សែ​គោ​ទៅ​ចង.ក​​ ​នៅ​ក្នុងផ្ទះ​ដោយ​ចាក់​គន្លឹះ​ជាប់​ពី​ខាងក្នុង​។

តាមសមត្ថកិច្ច បានឲ្យដឹងថា ករណីនេះ កើតទ្បើងដោយសារស្ត្រី​រងគ្រោះ បាន​លេងល្បែង​ឡូ​តូ​ចាញ់ ហើយ​សុំ​លុយ​ប្ដី​លេង​បន្ត​មិន​បាន ទើបត្រលប់​មក​ផ្ទះ​វិញ ក៏សម្រេចចិត្ត​ធ្វើអត្តឃាត ដោយចង​.​ក​សម្លាប់​ខ្លួន​ភ្លាម​ៗ​តែ​ម្ដង​។

ប្រភព​ពី​សាក្សី​ដែលដឹងរឿងហេតុ បានបន្ថែម​​ថា នៅ​ថ្ងៃ​កើតហេតុ​នោះ គេ​ឃើញ​ស្ត្រី​ខាងលើ​លេង​ល្បែង​ឡូ​តូ​ នៅ​ក្នុងភូមិ ហើយ​ចាញ់​អស់​លុយ​ប្រហែល​១០​ម៉ឺន​រៀល​។ ពេល​នោះ​គេ​ឃើញ​បុរស​ជា​ប្ដី ​ជិះ​ម៉ូតូ​ទៅ​ដល់​ហៅ​ប្រពន្ធ​មក​ផ្ទះ តែ​ប្រពន្ធ​ហាក់​មិន​អស់ចិត្ត​ ក៏​សុំ​លុយ​ប្ដី​១​ម៉ឺន​រៀល​បន្ថែម​ទៀត​ដើម្បី​លេង​បន្ត តែ​ប្ដី​មិន​ឲ្យ​ និង​លួងប្រពន្ធ​ឲ្យ​ទៅ​​ផ្ទះ​វិញ​។

នៅពេលនោះ​ ស្ត្រី​រង​គ្រោះមិន​ព្រម​ជិះ​ម៉ូតូ​ ទៅផ្ទះវិញជាមួយ​ប្ដី​នោះទេ ខណ:ត្រលប់ទៅវិញផ្ទះដោយខ្លួនឯង ទំនងជា​ខឹង​ប្ដី​មិន​ឲ្យ​លុយ​លេង​បន្ត ​ក្រោយ​ពី​ទៅ​ដល់​ផ្ទះ​មិន​ទាន់​បាន​ប៉ុន្មាន​នាទី​ផង ស្រាប់តែ​មានការ​ភ្ញាក់ផ្អើល​ថា ស្ត្រី​រង​ខាងលើ​បាន​ចង​.​ក​សម្លាប់​ខ្លួន ​នៅ​ក្នុងផ្ទះ​ទៅ​ហើយ។

ក្រោយកើតហេតុ មន្ត្រី​ជំនាញ​បានចុះទៅដល់ធ្វើកោសល្យវិច័យ រួច​ប្រគល់​សព​ឲ្យ​ក្រុម​គ្រួសារ​ធ្វើ​បុណ្យ​​តាម​ប្រពៃណី៕

Loading...