Post News Media ព័ត៌មានជាតិ Update៖ ករណីទ...

Update៖ ករណីទុសេខ្សែភ្លើង បង្កជាអគ្គិភ័យឆេះផ្ទះមួយខ្នង ផ្អើលដល់ប្រជាពលរដ្ឋ និងអាជ្ញាធរមូលដ្ឋាន…

ភ្នំពេញ: ករណីអគ្គិភ័យឆាបឆេះផ្ទះមួយខ្នង បង្កឲ្យមានការភ្ញាក់ផ្អើល កាលពីវេលាម៉ោង១ និង៣០នាទីរសៀលថ្ងៃទី១៤ ខែកក្កដា ឆ្នាំ២០១៨ ស្ថិតនៅចំណុចផ្ទះលេខ១៤៥ក្រុម១០ភូមិមិត្តភាព សង្កាត់ឬស្សីកែវ ខណ្ឌឬស្សីកែវ ត្រូវបានសមត្ថកិច្ច អះអាងថា ដោយសារទុស្សេខ្សែភ្លើង។

ម្ចាស់ផ្ទះរងគ្រោះឈ្មោះ ពាង​សុខមាន ភេទប្រុស អាយុ៦៣ឆ្នាំ និងប្រពន្ធឈ្មោះ សូ​ រី អាយុ៥៣ឆ្នាំស្នាក់នៅកន្លែងកើតហេតុខាងលើ។

ប្រភពពត៌មានពីស្ត្រីជាម្ចាស់ផ្ទះ បានឲ្យដឹងថា នៅមុនពេលកើតហេតុរូបគាត់ និងកូនៗបានចេញមកអង្គុយលេងខាងក្រៅផ្ទះ ដោយទុកព្រីភ្លើងនៅលើទូរឈើជាន់ក្រោមដូចសព្វដង ស្រាប់តែមួយសន្ទុះក្រោយមក ក៏ឮសំទ្បេងផ្ទុះផាំង ជាមួយនឹងផ្សែងហុយចេញតែម្តង។

សម្ភារខូចខាតរួមមាន៖
– ឆេះទូរឈើមួយ
– លុយ៥០០ដុល្លា និងសម្ភារប្រើប្រាស់មួយចំនួន។

ក្រោយកើតហេតុភ្លាមៗ ប្រជាពលរដ្ឋ និងអាជ្ញាធរមូលដ្ឋាន បាននាំគ្នាជួយបាញ់ទឹកពន្លត់ ដោយរលត់អស់ទាំងស្រុង៕

Loading...