Post News Media ព័ត៌មានជាតិ យោធាម្នាក់ ជិ...

យោធាម្នាក់ ជិះម៉ូតូដួលខ្លួនឯង ស្លាប់យ៉ាងរន្ធត់!

ស្ទឹងត្រែង: មានករណីគ្រោះថ្នាក់ចរាចរណ៍មួយបានកើតឡើង ដោយមានមន្ត្រីយោធាម្នាក់ បានដួលម៉ូតូដោយខ្លួនឯង បណ្តាលឲ្យស្លាប់យ៉ាងអាណោចអាធ័ម កាលពីថ្ងៃទី២៣ ខែកក្កដា ឆ្នាំ២០១៨ ស្ថិតនៅចំណុចគីឡូម៉ែត្រលេខ៤៩៣ ផ្លូវជាតិលេខ៩ ភូមិសំអាង ឃុំសំអាង ស្រុកថាឡាបរិវ៉ាត់ ខេត្តស្ទឹងត្រែង។

សពជនរងគ្រោះមានឈ្មោះ មុំ សុភុន ភេទប្រុស អាយុ៣៦ឆ្នាំ មុខរបរជាយោធា ស្នាក់នៅភូមិរាជនុកូល សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង ជិះម៉ូតូម៉ាកហុងដាសេ១២៥ ពណ៌ខ្មៅ ពាក់ស្លាកលេខ ស្ទឹងត្រែង 1B-1698 ពីលិចទៅកើត ។

បច្ចុប្ប​ន្នសពជនរងគ្រោះត្រូវបានសមត្ថកិច្ចធ្វើកំណត់ហេតុប្រគល់សពឲ្យសាច់ញាតិយកទៅធ្វើបុណ្យតាមប្រពៃណី៕

Loading...