Post News Media ព័ត៌មានជាតិ ហាយទ្បែនឌ័រ ព...

ហាយទ្បែនឌ័រ ពន្លះម៉ូតូ១គ្រឿង ផ្ដាច់ជីវិតបុរសម្នាក់

ព្រះសីហនុ: កាលពីម៉ោងជិត១យប់រំលងអាធ្រាត្រ ឈានចូលថ្ងៃទី៣០ ខែកក្កដា ឆ្នាំ២០១៨ មានករណីគ្រោះថ្នាក់ចរាចរណ៍មួយ រវាងរថយន្តបុកម៉ូតូមួយគ្រឿង បណ្ដាលស្លាប់បុរសម្នាក់
នៅផ្លូវជាតិលេខ៤នៅចន្លោះគីឡូម៉ែត្រលេខ១៦៩-១៧០ ស្ថិតនៅក្នុងភូមិតាពៅ ឃុំតានៃ ស្រុកព្រៃនប់។

រថយន្ត១គ្រឿង ម៉ាក HILANDER ពាក់ស្លាកលេខ ព្រះសីហនុ 2A-8605 បើកបរដោយឈ្មោះ សុខ ខៃ ភេទប្រុស អាយុ៤៤ឆ្នាំ មុខរបរ រត់តាក់ស៊ី មានទីលំនៅក្រុម២១ សង្កាត់លេខ៤ ក្រុងព្រះសីហនុ មានទិសដៅ (ភ្នំពេញទៅព្រះសីហនុ) មកដល់ចំណុចខាងលើ បានបុកប៉ះជាមួយម៉ូតូមួយគ្រឿង ម៉ាកវ៉េវ គ្មានស្លាកលេខ (ទិសដៅស្របគ្នា) បណ្តាលឲ្យអ្នកបើកបរម៉ូតូ ឈ្មោះហុង ម៉ៅ ភេទប្រុស អាយុ ៣៤ឆ្នាំ មុខរបរ កម្មករ មានទីលំនៅ ភូមិត្រពាំងគា ឃុំជើងគោ ស្រុកព្រៃនប់​​​ ខេត្តព្រះសីហនុ ស្លាប់នៅនឹងកន្លែង។

ក្រោយកើតសមត្ថកិច្ច បានចុះធ្វើការវាស់វែង និងប្រគល់សពជូនក្រុមគ្រួសារយកទៅធ្វើបុណ្យ តាមប្រពៃណី ចំណែករថយន្ត និងម៉ូតូ ត្រូវបានយកមករក្សាទុកនៅអធិការដ្ឋាននគរបាលស្រុកព្រៃនប់ ដើម្បីធ្វើការដោះស្រាយពេលក្រោយ៕