Post News Media ព័ត៌មានជាតិ បង្ក្រាបទីតាំ...

បង្ក្រាបទីតាំងជល់មាន់មួយកន្លែង ឃាត់ជនសង្ស័យ១២នាក់ និងម៉ូតូ៣៧គ្រឿង នៅខណ្ឌជ្រោយចង្វារ!

ភ្នំពេញ: នៅរសៀលថ្ងៃទី១០ ខែសីហា ឆ្នាំ២០១៨ កម្លាំងគណ:បញ្ជាការឯកភាពខណ្ឌជ្រោយចង្វារ បានបើកប្រតិបត្តិការចុះបង្ក្រាបទីតាំងជល់មាន់មួយកន្លែង ដោយបានឃាត់ខ្លួនមនុស្សចំនួន១២នាក់, ម៉ូតូចំនួន ៣៧គ្រឿង, រថយន្តមួយគ្រឿង, និងមាន់ជល់ចំនួន ៧ក្បាល ដែលស្ថិតនៅក្នុងភូមិគៀនឃ្លាំង សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ។

ប្រតិបត្តិការចុះបង្ក្រាបកន្លែងជល់មាន់ខាងលើនេះដឹកនាំកម្លាំងដោយលោក កៅ សារ៉ាវុធ អភិបាលរងខណ្ឌជ្រោយចង្វារ ដោយមានកម្លាំងចូលរួមជាច្រើនរូបក្រោមការបញ្ជាផ្ទាល់ពីលោក ឃ្លាំង ហួត ប្រធានគណ:បញ្ជាការឯកភាពរដ្ឋបាលខណ្ឌជ្រោយចង្វារ។

កម្លាំងជំនាញបាននាំខ្លួនមនុស្សទាំងអស់នោះទៅកាន់អធិការដ្ឋាននគរបាលខណ្ឌជ្រោយចង្វារ ដើម្បីកសាងសំណុំរឿង ចាត់ការបន្តតាមនីតីវិធី៕