Post News Media ព័ត៌មានជាតិ សមត្ថកិច្ចចាប...

សមត្ថកិច្ចចាប់ខ្លួនជនជាតិ​ចិន​ម្នាក់​ រួម​និង​ថ្នាំ​ញៀន​ជិត​១០០​គីឡូក្រាម

​ភ្នំពេញ: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា ជនជាតិ​ចិន​ម្នាក់​ត្រូវ​បាន​កម្លាំង​សមត្ថកិច្ច​ឃាត់ខ្លួន​ពាក់ព័ន្ធ​ករណី​ជួញដូរ​គ្រឿងញៀន​ឆ្លង​ដែន​។​

សមត្ថកិច្ច​បាន​ឲ្យ​ដឹង​ថា​កាលពី​ថ្ងៃ​ទី​៧​ ខែសីហា​ ឆ្នាំ​២០១៨​ កម្លាំង​ជំនាញ​នៃ​នាយកដ្ឋាន​សន្តិសុខ​ផ្ទៃក្នុង​ សហការ​ជាមួយ​កម្លាំង​ចម្រុះ​ប្រចាំការ​នៅ​ប្រៃសណីយ៍​កម្ពុជា​ សម្របសម្រួល​ពី​លោក​ រៀល​ សុ​ភិន​ ព្រះរាជអាជ្ញា​រង​ បាន​បង្ក្រាប​ករណី​ដឹក​ជញ្ជូន​គ្រឿងញៀន​តាម​ប្រៃសណីយ៍​ ផ្ញើរ​ចេញពី​ ប្រទេស​អា​ឡី​ម៉​ង​មក​កម្ពុជា​(​ដោយ​លាក់​បង្កប់​ជាមួយ​ចំណី​សត្វ​)​ នៅ​ចំណុច​ប្រៃសណីយ៍​កម្ពុជា​ ផ្លូវ​លេខ​១០២​ សង្កាត់​វត្ត​ភ្នំ​ ខណ្ឌដូនពេញ​។​

​សមត្ថកិច្ច​បន្ត​ថា​ជនសង្ស័យ​ឈ្មោះ​ YAO​ ZEYE​ ជនជាតិ​ចិន​ ភេទ​ប្រុស​ អាយុ​៣៣​ឆ្នាំ​។​ វត្ថុ​តាង​ដកហូតបាន គ្រឿងញៀន​ប្រភេទ​ថ្នាំ​គ្រាប់​ (Logo​ LV)​ អ៊ិ​ច​ស្តា​ស៊ី​ (MDMA)​ ទម្ងន់​សរុប​ ៩៨​គីឡូក្រាម​ ០៤៣.៥៥​ក្រាម​។​

​បច្ចុប្បន្ន​កម្លាំង​ជំនាញ​កំពុង​សាកសួរ​យក​ចម្លើយ​និង​កសាង​សំណុំរឿង​បញ្ជូន​ទៅ​សាលាដំបូង​រាជធានី​ភ្នំពេញ​ដើម្បី​ចាត់ការ​តាម​នីតិវិធី​ ៕

Loading...