ភ្នំពេញៈ ជនសង្ស័យម្នាក់ ត្រូវបានកម្លាំងប៉ុស្ដិ៍នគរបាលរដ្ឋបាលបឹងទំពន់ទី១ ចេញល្បាតពួនស្ទាក់ក្នុងមូលដ្ឋាន ឃាត់ខ្លួន និងនាំយកទៅសាកសួរនៅប៉ុស្ដិ៍ ក្រោយឆែកឆេររកឃើញ ស្លាកលេខរថយន្ត ២បន្ទះ និងឧបករណ៍សម្រាប់ដោះមួយចំនួនទៀត។
ហេតុការណ៍នេះ កើតទ្បើងកាលពីវេលាម៉ោង៣និង៤០នាទីទៀបភ្លឺឈានចូលថ្ងៃទី១៤ ខែសីហា ឆ្នាំ២០១៨ នៅក្នុងដីឡូតិ៍គ្មានលេខ ផ្លូវលេខ៨៥BT ក្រុម៤ ភូមិចំរើនផល១ សង្កាត់បឹងទំពន់ទី១ ខណ្ឌមានជ័យ។
តាមសមត្ថកិច្ច បានឲ្យដឹងថា នៅមុនពេលកើតហេតុ កម្លាំងសមត្ថកិច្ច បានធ្វើការចេញល្បាតពួនស្ទាក់ក្នុងមូលដ្ឋាន លុះមកដល់ចំណុចកើតហេតុខាងលើ ក៏ប្រទះឃើញជនសង្ស័យ កំពុងជិះកង់ហើយមានព្យួរថង់ខ្មៅ នៅជាប់នឹងដៃកង់ ទើបមានការសង្ស័យក៏ធ្វើការឃាត់ខ្លួន ដើម្បីសាកសួរ និងឆែកឆេរ ស្រាប់តែរកឃើញស្លាកលេខរថយន្ត ២បន្ទះ (ស្លាកលេខរថយន្តមុខក្រោយ) ដែលមានលេខភ្នំពេញ 2I-0638 និងពិលពាក់ជាប់នឹងក្បាល រួមទាំងដែកកាប់ រួចសមត្ថកិច្ច ក៏បញ្ជូបខ្លួនជនសង្ស័យទៅប៉ុស្ដិ៏។
ក្រោយពីធ្វើការសាកសួររួច ជនសង្ស័យបានឆ្លើយសារភាពថា ស្លាកលេខរថយន្តទាំង២បន្ទះ គឺខ្លួនបានលួចដោះ ចេញពីររថយន្ដមួយគ្រឿង ដែលចតនៅខាងមុខផ្ទះ នៅចំណុចផ្លូវបេតុង ភូមិសន្សំកុសល២ សង្កាត់បឹងទំពន់ទី១ ខណ្ឌមានជ័យ។
បច្ចុប្បន្នសមត្ថកិច្ច បានប្រគល់ស្លាកលេខរថយន្តទាំង២បន្ទះ ជូនទៅម្ចាស់រថយន្តដើមវិ រីឯជនសង្ស័យ ត្រូវបានសមត្ថកិច្ច កសាងសំណុំរឿងបញ្ជូនទៅអធិការដ្ឋាននគរបាលខណ្ឌមានជ័យ ចាត់ការបន្ដតាមផ្លូវច្បាប់៕
មតិយោបល់