ភ្នំពេញៈ រថយន្តFUSOដឹកខ្សាច់មួយគ្រឿង ខណៈដែលបើកសុខៗស្រាប់តែដាច់ហ្វ្រាំងជ្រុលទៅបុករះម៉ូតូ២គ្រឿងកង់បីមួយគ្រឿងនិងបន្តទៅបករថយន្តដឹកធុងហ្គាស១គ្រឿងនិងឡងត្រូវកូរ៉ូឡាមួយគ្រឿងទៀតអកហ្សើបុកពីក្រោយរថយន្តដឹកធុងហ្គាស់បណ្តាលឲ្យរងការខូចខាត។

ហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង១១និង៥៥នាទីព្រឹក ថ្ងៃទី២០ ខែសីហា ឆ្នាំ២០១៨ តាមបណ្តោយផ្លូវបេតុងចំណុចមុខរោងចក្រថុងឆាវអេនធើប្រាយ(ខេមបូឌា)អិលធីឌី ភូមិបឹងសាឡាង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ។

រថយន្តបង្ក​ម៉ាកFUSOដឹកខ្សាច់ ពណ៌ស ពាក់ស្លាកលេខ ភ្នំពេញ3A 4819​ ។
ភាគីរងគ្រោះមានម៉ូតូម៉ាកស្មាស់រីវ៉ូមួយគ្រឿង ម៉ូតូម៉ាកនិចមួយគ្រឿង រ៉ឺម៉កកង់បីមួយគ្រឿងទាំងរថយន្តម៉ូតូនិងរ៉ឺម៉កកង់បីធ្វើដំណើរស្របទិសគ្នាពីត្បូងទៅជើង។
ចំណែករថយន្តរងគ្រោះ២គ្រឿងទៀតទី១ម៉ាកហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ2C-3983 ​និងទី២ម៉ាកកូរ៉ូឡា ពណ៌ទឹកប្រាក់ ទើបតែទិញគ្មានស្លាកលេខទាំង២គ្រឿងបើកស្របទិសគ្នាពីជើងទៅត្បូង។

ប្រភពព័ត៌មានពីកន្លែងកើតហេតុ បានឲ្យដឹងថា នៅមុនពេលកើតហេតុម៉ូតូទាំង២គ្រឿងនិងម៉ូតូសណ្តោងរ៉ឺម៉កកង់បីមួយគ្រឿងនៅខាងស្តាំដៃរួចរថយន្តបង្ករបានរេមកឆ្វេងបន្តិចជ្រុលបុកម៉ូតូម៉ាកនិចនៅខាងមុខនិងបន្តទៅបុករថយន្តហ៊ីយ៉ាន់ដាយដឹកធុងហ្គាស់ រួចរថយន្តកូរ៉ូឡាដែលបើកពីក្រោយរថយន្តដឹកធុងហ្គាស់ដោយសារអកហ្សើបានជ្រុលបុករថយន្តដឹកធុងហ្គាស់ពីក្រោយដែលរថយន្តទាំង២កំពុងបើកពីជើងទៅត្បូងបណ្តាលឲ្យរងការខូចខាតទាំងអស់គ្នា។

ក្រោយពេលកើតហេតុភាគីរថយន្តបង្ក​បានសម្របសម្រួល​បញ្ចប់រឿងនៅកន្លែងដោយជួយចេញថ្លៃជួសជុលការខូចខាតទៅភាគីម៉ូតូសណ្តោងរ៉ឺម៉កកង់បី៦៥ដុល្លារ ភាគីម៉ូតូស្មាស់រីវ៉ូ១៥០ដុល្លារ ភាគីម៉ូតូនិក១០០ដុល្លារ​ ចំណែករថយន្តដែលរងការខូចខាត២គ្រឿងត្រូវបានភាគីខាងរថយន្តបង្ក​ជួយចេញថ្លៃជួសជុល៕