កណ្តាលៈ លោកវរសេនីយ៍ ស កែវពិសិដ្ឋ អធិការក្រុងតាខ្មៅ បានប្រាប់ Post News ថា មានករណីហិង្សាដោយចេតនាមានស្ថានទម្ងន់ទោស(ដោយសារមរណភាពនៃជនរងគ្រោះ) នៅវេលាម៉ោង១និង២០នាទីរសៀល ថ្ងៃទី២២ ខែសីហា ឆ្នាំ២០១៨ នៅរង្វង់មូលតាខ្មៅ ភូមិតាខ្មៅ សង្កាត់តាខ្មៅ ក្រុងតាខ្មៅ ខេត្តកណ្តាល។

​ជនរងគ្រោះ​ឈ្មោះ ប៉ែន រិទ្ធារាជ្យ ភេទប្រុស អាយុ១៨ឆ្នាំ(ស្លាប់) ទីលំនៅ​ភូមិដើមគរ សង្កាត់ដើមមៀន ក្រុងតាខ្មៅ ខេត្តកណ្តាល មុខរបរ​សិស្ស (រងរបួសបាក់ធ្មេញ១ និងរយះបបេមាត់)។

ជនល្មើស៤នាក់ ទី១​ឈ្មោះ ស្លេះ រុំម៉ាលី ភេទប្រុស អាយុ១៧ឆ្នាំ ជនជាតិខ្មែរឥស្លាម ទីលំនៅ​ភូមិព្រែកតាពៅ១ សង្កាត់ដើមមៀន ក្រុងតាខ្មៅ ខេត្តកណ្តាល​​
មុខរបរ កម្មកររោងចក្រ(ឃាត់ខ្លួន)។
២-ឈ្មោះលាស់ ខរី ភេទប្រុស អយុ១៨ឆ្នាំ ជនជាតិខ្មែរឥស្លាម
ទីលំនៅភូមិព្រែកតាពៅ១ សង្កាត់ដើមមៀន ក្រុងតាខ្មៅ ខេត្តកណ្តាល មុខរបរ​មិនពិតប្រាកដ(ឃាត់ខ្លួន)។
៣-ឈ្មោះអាលីមីហ្សាន ភេទប្រុស អាយុ១៧ឆ្នាំ ជនជាតិខ្មែរឥស្លាម
ទីលំនៅភូមិព្រែកតាពៅ១ សង្កាត់ដើមមៀន ក្រុងតាខ្មៅ ខេត្តកណ្តាល មុខរបរកម្មកររោងចក្រ(ឃាត់ខ្លួន)។
៤-ឈ្មោះម៉ាត់ ស្មាអ៊ែល ភេទប្រុស អាយុ១៥ឆ្នាំ ជនជាតិខ្មែរឥស្លាម
ទីលំនៅភូមិព្រែកតាពៅ១ សង្កាត់ដើមមៀន ក្រុងតាខ្មៅ ខេត្តកណ្តាល មុខរបរ​មិនពិតប្រាដ(ឃាត់ខ្លួន)។

វត្ថុតាងចាប់យក៖ ម៉ូតូ១គ្រឿងម៉ាកHONDA១២៥ ពណ៌ខ្មៅ ស៊េរី២០១៥ ពាក់ស្លាកលេខ កណ្តាល១S៦៧២៩
(បែកចង្កៀង.ក្បាំង+កញ្ចក់ខាងស្តាំនិងគំរបភក់ខាងមុខ)។

មុនពេលកើតហេតុ ក្រុមជនល្មើសកំពុងតែអង្គុយលេងលើម៉ូតូនៅចំណុចអ្នកតាថៃជឺមាត់ទន្លេស្រាប់តែជនរងគ្រោះបានជិះម៉ូតូមកគប់ក្រុមជនល្មើសធ្វើឲ្យជនល្មើសខឹងក៏បានជិះម៉ូតូដេញតាមដល់កន្លែងកើតហេតុខាងលើ។ ស្រាប់តែជនល្មើសជិះម៉ូតូបុកម៉ូតូជនរងគ្រោះពីក្រោយធ្វើឲ្យម៉ូតូទាំងពីរជ្រុលចង្កួតទៅបុកខឿនលោកតាម៉ៅដួលបោកទាំងសងខាង បន្ទាប់មកជនល្មើសក៏ស្ទុះទៅទាត់ធាក់ជនរងគ្រោះបន្ថែមទៀតបណ្តាលឲ្យរងរបួសបាក់ធ្មេញ និងរយះបបេមាត់ត្រូវបានក្រុមគ្រួសារដឹកយកទៅព្យាបាលនៅមន្ទីរពេទ្យកាល់ម៉ែត តែដោយសារជនរងគ្រោះរបួសគ្រាំក្នុងធ្ងន់ធ្ងរពេកមិនអាចសង្គ្រោះបានក៏បានដាច់ខ្យល់ស្លាប់តែម្តង។

រីឯជនល្មើសត្រូវបានសមត្ថកិច្ចធ្វើឃាត់ខ្លួនបញ្ជូនមកកាន់អធិការដ្ឋាននគរនបាលក្រុងតាខ្មៅ ដើម្បីចាត់ការតាមនីតិវិធី៕