Post News Media ព័ត៌មានជាតិ បើកបរមិនប្រយ័...

បើកបរមិនប្រយ័ត្ន គៀរម៉ូតូសណ្តោងរ៉ឺម៉កនិងរថយន្តដឹកឥដ្ឋទៅផ្ទុបនឹងរបាំងបុកចែកទ្រូងផ្លូវ ផ្អើលពេញផ្លូវ

ភ្នំពេញ: នៅវេលាម៉ោង៩និង៣០នាទី ព្រឹកថ្ងៃទី២៦ ខែសីហា ឆ្នាំ២០១៨ មានហេតុការណ៍គ្រោះថ្នាក់ចរាចរណ៍មួយបានកើតឡើងនៅម្តុំទួលទំពូងទល់មុខវត្តទួលទំពូងតែម្តង​ តាមបណ្តោយផ្លូវម៉ៅសេទុង​ ស្ថិតក្នុងសង្កាត់ទួលទំពូង១​ ខណ្ឌចំការមន​ រាជធានីភ្នំពេញ​ រវាងរថយន្ត NISSAN​ ដែលបានបត់ត្រឡប់ក្រោយមិនប្រយ័ត្ន បានជ្រុលទៅគៀរម៉ូតូសណ្តោងរ៉ឺម៉ក​និងថយន្តដឹកឥដ្ឋទៅផ្ទប់នឹងរបាំងបុកចែកទ្រូងផ្លូវបាក់អស់១កង់​ បណ្តាលឲ្យរថយន្តនិងម៉ូតូសណ្តោងរ៉ឺម៉ករងការខូចខាតទាំងសង្ខាង។

ប្រភពពីកន្លែងកើតហេតុបានឲ្យដឹងថា​ មុនពេលកើតហេតុរថយន្ត​ NISSAN បើកបរក្នុងទិសដៅពីលិចទៅកើតពេលដែលមកដល់ចំណុចកើតហេតុបម្រុងបត់ឆ្លងផ្លូវត្រលប់ក្រោយ​ តែដោយសារមិនបានប្រុងប្រយ័ត្ន​ ភ្លាមនោះមានម៉ូតូសណ្តោងរ៉ឺម៉កនិងថយន្តដឹកឥដ្ឋមកពីក្រោយ​ ស្រាប់តែគៀរបណ្តាលឲ្យគៀបជាប់ទៅផ្ទប់នឹងរបាំងបុកចែកទ្រូងផ្លូវតែម្តង។
ក្នុងហេតុករណ៍នេះមិនបណ្តាលឲ្យមាននរណាម្នាក់រងរបួសទេ​ គ្រាន់តែរងការខូចខាតសម្ភារ:​ និងបាក់របាំងបុកចែកទ្រូងផ្លូវដែលសម្បិត្តសាធារណ:​ អស់មួយកង់។

ក្រោយពេលកើតហេតុសមត្ថកិច្ចបានចុះវាស់វែងហើយបានយករថយន្តនិងរ៉ឺម៉កទៅរក្សាទុកបណ្តោះអាសន្នដើម្បីរង់ចាំការដោះស្រាយគ្នាជាក្រោយទៀត៕​