ភ្នំពេញ: ព្រឹកឡើងមិនទាន់ដុតសែនឆេះផ្អើលសមត្ថកិច្ចអ្នកជិតខាងមួយសន្ទុះនៅជាន់ទី១ ផ្ទះស៊ែស៊ី ផ្លូវកម្ពុជាក្រោម សង្កាត់មិត្តភាព ខណ្ឌ៧មករា រាជធានីភ្នំពេញ កាលពីម៉ោង៨ព្រឹក ថ្ងៃទី១២ ខែកក្កដា ឆ្នាំ២០១៦។

សាក្សីឃើញហេតុការណ៍បានប្រាប់ថាគេធុំក្លិនស្ងៀមជ័រក៏ក្រឡេកទៅស្រាប់តែមានអណ្តាតភ្លើងឆេះនៅជាន់ទី១បង្កការភ្ញាក់ផ្អើលដល់សមត្ថកិច្ចនរគបាលប៉ុស្ត៏មករាយការណ៍ជូនលោក នេត ស៊ីថុន អធិការនៃអធិការដ្ឋាននរគបាលខណ្ឌ៧មករា គ្រប់គ្រងស្ថានការណ៍កុំឲ្យរាលដាលទៅដល់ផ្ទះផ្សេងៗទៀត ដោយមានមនុស្សយកបំពុងពន្លត់អគ្គីភ័យទៅបាញ់មួយសន្ទុះក៏រលត់ភ្លាមៗតែម្តង។

បច្ចុប្បន្ន នរគបាលប៉ុស្តិ៍​មិត្តភាពឡើងទៅសាកសួរពិនិត្យ និងអប់រំឲ្យមានការប្រុងប្រយ័ត្ន និងបង្ការទប់ស្កាត់ពន្លត់អគ្គិភ័យឲ្យទាន់ពេលវេលាផងដែរ៕