ភ្នំពេញ: បុរសវ័យ២២ឆ្នាំម្នាក់ ត្រូវបានខ្សែភ្លើងឆក់ស្លាប់ភ្លាមៗ ខណ:កំពុងបញ្ជារថយន្តស្ទូចដើម្បីដាំបង្គោលភ្លើង ស្រាប់តែដងស្ទូចប៉ះកកិតនិងខ្សែភ្លើងបណ្តាលឲ្យរលាត់ឆ្លងចរន្តឆក់ស្លាប់ភ្លាមៗបង្កការភ្ញាក់ផ្អើល។
ហេតុការណ៍ដ៏សោកសង្រែងនេះកាលពីថ្ងៃទី៦ ខែកញ្ញា ឆ្នាំ២០១៨ នៅចំណុចលើចិញ្ចើមផ្លូវលំ ភូមិដើមចាន់ សង្កាត់ពន្សាំង ខណ្ឌព្រែកព្នៅ រាជធានីភ្នំពេញ។
សពជនរងគ្រោះមានឈ្មោះ បឿន យ៉ាន់ ភេទប្រុស អាយុ២២ឆ្នាំ ជនជាតិខ្មែរ មុខរបរបើកឡានមានទីលំនៅភូមិទ្រា ឃុំស្វាយជ្រុំ ស្រុកមេសាង ខេត្តព្រៃវែង ។
ប្រភពព័ត៌មានបានឲ្យដឹងថា នៅមុនពេលកើតហេតុ ជនរងគ្រោះបានបើករថយន្តដឹកក្រុមការងារមានគ្នាប្រហែល៤នាក់ចេញពីក្រុមហ៊ុនអគ្គិសនី ឃ្លាំង សំណុង នៅម្ដុំវត្តព្រៃស្ពឺសង្កាត់ចោមចៅ ខណ្ឌពោធិ៍សែនជ័យ ដើម្បីមកដាំបង្គោលភ្លើងនៅកន្លែងកើតហេតុខាងលើ ។ លុះពេលមកដល់ជនរងគ្រោះបានចុះមកបញ្ជារថយន្តស្ទូចបង្គោលភ្លើង ដែលមាននៅកន្លែងកើតហេតុស្រាប់តែដងស្ទូចប៉ះនឹងខ្សែភ្លើងបណ្ដាលឲ្យរលាត់ឆក់ជនរងគ្រោះភ្លាមនោះក្រុមការងារក៏បានស្ទុះទៅជូយរួចយក ជនរងគ្រោះទៅដាក់ដីខ្សាច់ក្បែរនោះដោយមានសភាពធ្ងន់ធ្ងរពេកក៏បានបញ្ជូនជនរងគ្រោះបន្ទាប់នៅមណ្ឌលសុខភាព ពន្សាំជួយសង្គ្រោះ តែជនរងគ្រោះបានដាក់ខ្យល់ស្លាប់បាត់តែម្ដង ។
សពជនរងគ្រោះពិតជាបានស្លាប់ដោយសារឆក់ខ្សែភ្លើងស្លាប់ ពិតប្រាកដមែន។ សពជនរងគ្រោះបានប្រគល់ទៅឲ្យក្រុមគ្រួសារសពយកទៅធ្វើបុណ្យតាមប្រពៃណីនៅឯស្រុកកំណើត៕
មតិយោបល់