ព័ត៌មានជាតិ

សមត្ថកិច្ចចុះត្រួត​ពិនិត្យ អ្នក​បើក​រថយន្ដ​ធុនធំ ធ្វើ​តេស្ត​ទឹកនោម​រក​​​សារធាតុ​ញៀន នៅផ្លូវជាតិលេខ៤!

ព្រះសីហនុ: ​នៅរសៀលថ្ងៃទី០៧ ខែកញ្ញា ឆ្នាំ២០១៨ លោក​ឧត្តម​សេនីយ៍ត្រី​ស៊ុន​ សុផាត​ស្នងការ​រងទទួល​ផែន​ប្រឆាំង​បទល្មើស​ ដោយ​ទទួល​បាន​ការ​អនុញ្ញាត​ពី​លោក ​យន្ត​ មីន​ អភិបាល​ខេត្ត​ព្រះសីហនុ​ និង​ការ​ណែនាំ​របស់​លោក​ឧត្តម​សេនីយ៍​ទោ​ ជួន ណា​រិន្ទ​ ស្នងការ​នគរបាល​ខេត្ត​ព្រះសីហនុ កម្លាំង​នគរបាល​ខេត្ត​ព្រះសីហនុ​ ដឹកនាំ​ ដោយលោកវរសេនីយ៍ទោ​ សួស សីលា​ នាយ​ការិយាល័យ​នគរបាល​ប្រឆាំង​គ្រឿងញៀន សហការជាមួយកម្លាំងអធិការ​ដ្ឋាន​នគរបាល​ស្រុកព្រៃនប់​ បានចុះ​ត្រួត​ពិនិត្យ​ អ្នក​បើក​រថយន្ដ​ធុន​ធ្ងន់​ដឹកកុងតឺន័រ នៅតាមបណ្ដោយផ្លូវជាតិលេខ៤ ភូមិអូរ​ចំណារ​ ឃុំអូរឧញ្ញ៉ាហេង ស្រុកព្រៃនប់ ខេត្តព្រះសីហនុ​ ដើម្បី​ធ្វើ​តេស្ត​ទឹកនោម​រក​មើល​សារធាតុ​ញៀន​ ក្នុងនោះបាន​ត្រួត​ពិនិត្យ​ធ្វើតេស្ត​ទៅលើអ្នកបើកបរចំនួន ១២៨នាក់ រកឃើញអ្នកមានផ្ទុកសារធាតុញៀនចំនួន​១២នាក់។

​សមត្ថកិច្ចបញ្ជាក់ថា អ្នក​មាន​ផ្ទុក​សារធាតុ​ញៀន​ទាំង​១២នាក់​ សមត្ថកិច្ច​បានធ្វើការអប់រំ​ ធ្វើកិច្ចសន្យា​ឲ្យ​បញ្ឈប់ការប្រើប្រាស់សារធាតុញៀន ដោយឲ្យម្ចាស់ក្រុមហ៊ុនរថយន្តមកធានាផងដែរ៕

មតិយោបល់