បាត់ដំបង: កាលពីវេលាម៉ោង៦និង៥០នាទីព្រឹក ថ្ងៃទី១៩ ខែកញ្ញា ឆ្នាំ២០១៨ កម្លាំងកងរាជអាវុធហត្ថបានធ្វើការឃាត់ខ្លួនជនសង្ស័យ២នាក់ ក្រោយធ្វើសកម្មភាពគាស់បង្អួចចូលលួចទ្រព្យសម្បត្តិនៅក្នុងផ្ទះមន្ត្រីអគ្គិសនីម្នាក់ នៅភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង។
ជនសង្ស័យមានឈ្មោះ តាំ ប៊ុនយិន អាយុ៤៣ឆ្នាំ ជាគ្រូបង្រៀន និងម្នាក់ទៀតឈ្មោះ ហែម ផានិត អាយុ២៧ឆ្នាំ ជាកម្មករ ពួកគេស្នាក់នៅផ្ទះជួលក្នុងភូមិសង្កាត់កើតហេតុ។ ជនរងគ្រោះមានឈ្មោះ ដុះ គឹមអាង ភេទប្រុស អាយុ៣៤ឆ្នាំ ជាបុគ្គលិកអគ្គិសនី រស់នៅភូមិសង្កាត់កើតហេតុ។
ទ្រព្យសម្បិត្តបាត់បង់ លុយអស់ជិត១លានរៀល និងសម្ភារផ្សេងៗមួយចំនួនទៀត៕
មតិយោបល់