Post News Media ព័ត៌មានជាតិ បុរស​ម្នាក់​ ...

បុរស​ម្នាក់​ ជិះម៉ូតូបុកគោយន្ត ​​ស្លាប់​​នៅ​នឹងកន្លែង!

សៀមរាប: កាលពីវេលាម៉ោង២យប់ ថ្ងៃទី២២ ខែកញ្ញា ឆ្នាំ២០១៨ មានករណីគ្រោះថ្នាក់ចរាចរណ៍រវាងគោយន្តកែច្នៃនិងម៉ូតូ បណ្តាលឲ្យបុរសម្នាក់ស្លាប់ នៅលើ​ផ្លូវជាតិ​លេខ៦ ភូមិ​លលៃ ​ឃុំ​បាគង ​ស្រុក​ប្រាសាទ​បាគង ​ខេត្តសៀមរាប។

នៅមុនពេលកើតហេតុ គោយន្ត​កែច្នៃ​ដឹក​ចំរឹង​បាន​បើកបរ​ឆ្លងផ្លូវ​ពី​ទិស​ត្បូង​ទៅ​ទិស​ជើង ក៏ត្រូវ​​ម៉ូតូ​C125 ពណ៌​ខ្មៅ ស៊េរី២០១០ ពាក់ស្លាកលេខ ​សៀមរាប​1J-9649 បណ្តាលឲ្យ​អ្នកបើកបរ​ម៉ូតូ​បាន​ស្លាប់ភ្លាមៗនៅនឹងកន្លែង​តែម្តង។​
ជនរងគ្រោះ​មានឈ្មោះ ​ឈ្នាង ​ទើង ​ភេទ​ប្រុស ​អាយុ២៥ឆ្នាំ ​រស់នៅ​ភូមិ​មមាញ ​ឃុំ​រលួស ​ស្រុក​ប្រាសាទបាគង​ ខេត្តសៀមរាប។

ចំពោះករណីនេះ សមត្ថកិច្ចបាននាំយក​គោយន្ត​និង​ម៉ូតូមក​​រក្សាទុក​នៅ​អធិការដ្ឋាន​នគរបាល​ស្រុក​ប្រាសាទបាគង ​ដើម្បី​រង់ចាំ​ធ្វើការ​ដោះស្រាយ​តាមផ្លូវ​ច្បាប់។

ចំណែកសាកសព​​​ប្រគល់ជូន​ក្រុមគ្រួសារ​យកទៅ​ធ្វើបុណ្យ​តាម​ប្រពៃណី៕

Loading...