កំពង់ស្ពឺ: កាលពីវេលាម៉ោង៥ល្ងាច ថ្ងៃទី២២ ខែកញ្ញា ឆ្នាំ២០១៨ មានករណីគ្រោះថ្នាក់ចរាចរណ៍ នៅលើផ្លូវជាតិលេខ៤ ចន្លោះគីឡូម៉ែត្រ១០៣-១០៤ ភូមិទី៦ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។
បង្កឡើងដោយរថយន្តមួយគ្រឿង ម៉ាក FUZO ពណ៌ទឹកប្រាក់ ស្លាកលេខភ្នំពេញ 3C-1384 អ្នកបើកបរមិនស្គាល់ឈ្មោះ(ចុះរត់គេចខ្លួន) មកពីទិសខាងកើតទៅទិសខាងលិច លុះមកដល់ចំណុចខាងលើបានបុកពីក្រោយរថយន្តមួយគ្រឿងម៉ាកនីសាន់ ពណ៌ទឹកមាស ស្លាកលេខ ភ្នំពេញ2AJ-5544 បើកបរដោយឈ្មោះ ប៊ុន សារ៉ុន ភេទប្រុស អាយុ៦០ឆ្នាំ មានទីលំនៅមណ្ឌល ៤ សង្កាត់លេខ ៤ ក្រុងព្រះសីហនុ ខេត្តព្រះសីហនុ (រថយន្តខូចឈប់នៅលើចិញ្ចើមថ្នល់កៅស៊ូ) បណ្តាលឲ្យអ្នកបើកបររថយន្តនីសាន់ រងរបួសស្រាល ចំណែករថយន្តខូចខាតធ្ងន់ រថយន្ត FUZO ខូចខាតស្រាល។
បច្ចុប្បន្នជំនាញចរាចរណ៍ បានចុះវាស់វែងនិងយកមធ្យោបាយបង្កទាំង២គ្រឿងមកទុកបណ្ដោះអាសន្ននៅអធិការដ្ឋាននគរបាលស្រុកភ្នំស្រួច រង់ចាំចំណាត់ការដោះស្រាយ តាមនីតិវិធី៕
មតិយោបល់