កំពង់ចាម: សមត្ថកិច្ចបានប្រាប់ Post News ថា មានការឃាត់ខ្លួនជនសង្ស័យម្នាក់ ក្រោយពីបានធ្វើសកម្មភាពវាយនិងច្របាច់.កក្មេងស្រីរងគ្រោះអាយុ៥ឆ្នាំ បណ្តាលឲ្យស្លាប់ហើយរុញទម្លាក់ចូលក្នុងស្រះទឹក ដោយសារតែខឹងនឹងក្មេងស្រីរងគ្រោះជេរមកលើខ្លួន និងគំនុំគំគួនក្នុងគ្រួសារ។
ករណីនេះកើតឡើងនៅថ្ងៃទី២៤ ខែកញ្ញា ឆ្នាំ២០១៨ នៅចំណុចភូមិកោះប្រាក់ ឃុំកោះទន្ទឹម ស្រុកកំពង់សៀម ខេត្តកំពង់ចាម។
សមត្ថកិច្ចបានបន្តថា ជនសង្ស័យមានឈ្មោះ គីម សុខរស់ ហៅវ៉ូ ភេទប្រុស អាយុ២៩ឆ្នាំ ស្នាក់នៅភូមិជាមួយគ្នា បានធ្វើសកម្មភាពយកកំណាត់ឈើវាយសំពងលើមុខក្មេងរងគ្រោះហើយច្របាច់.កបន្ថែម រុញរួចទម្លាក់ចូលក្នុងទឹកស្រះ ក្រោយពីខឹងនឹងក្មេងស្រីជនរងគ្រោះឈ្មោះធូ សុជាតិ អាយុ៥ឆ្នាំ បានជរប្រមាថមកលើខ្លួន បូករួមទាំងគំនុំក្នុងគ្រួសារនោះផង ទើបឈានទៅដល់ការសម្លាប់ក្មេងស្រីរងគ្រោះតែម្តង។
បច្ចុប្បន្ន ជនសង្ស័យខាងលើ ត្រូវបានបញ្ជូនទៅការិយាល័យជំនាញ ដើម្បីចាត់ការតាមផ្លូវច្បាប់បន្តទៀត និងប្រគល់សពឲ្យសាច់ញាតិធ្វើបុណ្យតាមប្រពៃណី៕
មតិយោបល់