សៀមរាបៈ ជនសង្ស័យប្រុសស្រីចំនួន៥នាក់ រួមនិងគ្រឿងញៀនជិត១គីឡូក្រាម ត្រូវបានកម្លាំងកងរាជអាវុធហត្ថខេត្តសៀមរាប ធ្វើការបង្ក្រាបបាន កាលពីវេលាម៉ោង២យប់ ឈានចូលថ្ងៃទី២៥ ខែកញ្ញា ឆ្នាំ២០១៨ នៅចំណុចភូមិដកពោធិ៍ សង្កាត់ស្លក្រាម ក្រុងសៀមរាប ខេត្តសៀមរាប។
សមត្ថកិច្ចបានឲ្យដឹងថា ជនសង្ស័យទាំង៥នាក់ខាងលើ មានស្រីចំនួន២នាក់ ត្រូវបានឃាត់ខ្លួនក្នុងករណី រក្សាទុក ដឹកជញ្ជូន ឬជួញដូរដោយខុសច្បាប់នូវសារធាតុញៀនដោយដកហូតបាន វត្ថុតាងរួមមាន៖ ម្សៅក្រាមពណ៌ស (ម៉ាទឹកកក)ចំនួន៣០កញ្ចប់ ស្មើរនឹង ៧៥៣.១០ក្រាម និងទូរសព្ទចំនួន៣គ្រឿង។
បច្ចុប្បន្នជនសង្ស័យខាងលើ រួមនិងវត្ថុតាងត្រូវបានកម្លាំងកងរាជអាវុធហត្ថខេត្តកសាងសំណុំរឿង បញ្ជូនទៅសាលាដំបូងចាត់ការតាមច្បាប់បន្តទៀត៕
មតិយោបល់