បាត់ដំបងៈ កាលពីវេលាម៉ោង១១និង៣០នាទីព្រឹក ថ្ងៃទី២៥ ខែកញ្ញា ឆ្នាំ២០១៨ មានករណីហិង្សា ដោយបុរសម្នាក់ទាញកាំបិតចាក់ទៅលើបុរសម្នាក់ទៀត បណ្ដាលឲ្យរងរបួសធ្ងន់ នៅផ្សារតាឡន ភូមិត្រពាំងប្រលិត ឃុំសន្តិភាព ស្រុកសំពៅលូន ខេត្តបាត់ដំបង។
ជនសង្ស័យមានឈ្មោះ រ៉ូ រស់នៅភូមិឃុំកើតហេតុ។ ចំណែកជនរងគ្រោះមានឈ្មោះ ឆាន់ ពុត ភេទប្រុស អាយុ៣២ឆ្នាំ រស់នៅភូមិឃុំជាមួយគ្នា(ជនរងគ្រោះនិងជនសង្ស័យជាមនុស្សស្គាល់គ្នា)។
តាមប្រភពព័ត៌មានក្រៅផ្លូវការណ៍ ជនរងគ្រោះធ្លាប់ជាមុខសញ្ញាពាក់ពាន់គ្រឿងញៀនយ៉ាងសកម្ម ដែលសមត្ថកិច្ចពិបាកនឹងធ្វើការបង្រ្កាបមិនទាន់។
បច្ចុប្បន្ន ជនរងគ្រោះត្រូវបានបញ្ជូនទៅមន្ទីរពេទ្យសម្រាកព្យាបាល ចំណែកជនសង្ស័យត្រូវបានកម្លាំងសមត្ថកិច្ចកំពុងតាមស្វែងរកចាប់ខ្លួន៕
មតិយោបល់