បាត់ដំបង: យោងតាមផេក អគ្គនាយកដ្ឋានកាំកុងត្រូល បានឲ្យដឹងថា សាខាកាំកុងត្រូលខេត្តបាត់ដំបង ប៉ុស្ដិ៍ភ្នំដី នៅល្ងាចថ្ងៃទី២៨ ខែកញ្ញា ឆ្នាំ២០១៨ បានធ្វើការត្រួតពិនិត្យទំនិញ នាំចូល ពីប្រទេសថៃ នៅមាត់ច្រកប៉ុស្តិ៍ភ្នំដី ក្នុងស្រុកសំពៅលូន ខេត្តបាត់ដំបង ដោយស្ទាក់ ចាប់បាន នូវ ប្រហិតចម្រុះខូចគុណភាពចំនួន ១៥០ គីឡូក្រាម ,សាច់មាន់ ឆ្អឹងមាន់ខូចគុណភាពចំនួន ៥០ គីឡូក្រាម ដែលបង្កប់ ក្នុងរទេះដឹកបន្លែ-ផ្លែឈើ ។
ក្នុងនោះសមត្ថកិច្ចបានយកទំនិញដែលរឹបអូសបានទាំងនោះ ទៅដុតកម្ទេចចោលភ្លាមៗ ដោយមាន ការចូលរួមពីគ្រប់ស្ថាប័នរួមមាន គយ ប៉ូលិសផងដែរ៕
មតិយោបល់