បន្ទាយមានជ័យៈ កាលពីវេលាម៉ោង៤រសៀល ថ្ងៃទី០៥ ខែតុលា ឆ្នាំ២០១៨ មានករណីគ្រោះថ្នាក់ចរាចរណ៍រវាងរថយន្តនិងម៉ូតូ បណ្តាលឲ្យប្តីប្រពន្ធ២នាក់រងរបួសធ្ងន់ នៅរង្វង់មូលផ្លូវ៥៨ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។
រថយន្តបង្កម៉ាកអូឌី ពាក់ស្លាកលេខ ភ្នំពេញ2AH-6929 បើកបរដោយជនជាតិចិន បានបើកបុកមូតូមួយគ្រឿងគ្មានផ្លាកលេខ ឌុបគ្នា២នាក់ប្តីប្រពន្ធ បណ្តាលឲ្យរបួសធ្ងន់ទាំង២នាក់តែម្តង។ ក្រោយពេលកើតហេតុ កងកម្លាំងអាវុធហត្ថក្រុងបានចុះទៅដល់ទៅកន្លែងកើតហេតុ ធ្វើការបញ្ជូនជនរងគ្រោះទៅមន្ទីរពេទ្យដីថ្មី ដើម្បីសង្គ្រោះជីវិតភ្លាមៗផងដែរ៕
មតិយោបល់