Post News Media ព័ត៌មានជាតិ មន្ត្រីអាវុធហ...

មន្ត្រីអាវុធហត្ថ​លើផ្ទៃប្រទេសម្នាក់ ដកអាវុធបាញ់រះមកលើប៉ូលិសប៉ុស្តិ៍ទួលសង្កែទី២ និងកម្លាំងប្រជាការពារសង្កាត់ឫស្សីកែវ បណ្តាលឲ្យសមត្ថកិច្ចម្នាក់របួស

ភ្នំពេញ: សមត្ថកិច្ចម្នាក់រងរបួសជើង ក្រោយពីកម្លាំងប៉ុស្តិ៍នគរបាលទួលសង្កែទី២ សហការជាមួយកម្លាំងប្រជាការពារសង្កាត់ឫស្សីកែវ ល្បាតឃើញក្មេងទំនើងវាយគ្នាជិះម៉ូតូរត់ ក៏ដេញតាម ស្រាប់តែមានខ្មាន់កាំភ្លើង​ស្លៀកពាក់ស៊ីវិលម្នាក់ ដកកាំភ្លើងបាញ់១០គ្រាប់ ត្រូវបានសមត្ថកិច្ចឃាត់ខ្លួនបាន។

ករណីនេះកើតឡើងនៅម៉ោង១២និង៣០នាទីយប់ទី១២ ខែតុលា​ ឆ្នាំ២០១៨ មុខផ្ទះល្វែងA៤ ផ្លូវបេតុង ភូមិ​គង្គារ​ផុស ស្ថិតក្នុងសង្កាត់ទួលសង្កែទី២ ខណ្ឌឬស្សីកែវ​។

ជនបង្កឈ្មោះ ឡាយ អ៊ីងឃីង ភេទប្រុស​ អាយុ២៧ឆ្នាំ​ មុខរបរ​ មន្ត្រីអាវុធហត្ថ​លើផ្ទៃប្រទេស ស្នាក់នៅជិតកន្លែងកើតហេតុ។

ក្រោយកើតហេតុជនសង្ស័យត្រូវបានសមត្ថកិច្ចយកមកសាកសួរនិងឃុំខ្លួនបណ្តោះអាសន្ន នៅអធិការដ្ឋាននគរបាលខណ្ឌឬស្សីកែវ កសាងសំណុំរឿងចាត់ការតាមច្បាប់បន្តទៀត៕

Loading...