មណ្ឌលគិរី: នៅវេលាម៉ោង៦:៣០នាទីល្ងាច ថ្ងៃទី១៣ ខែតុលា ឆ្នាំ២០១៨ នៅចំណុចភូមិពូរង៉ោល ឃុំមេម៉ង ស្រុកកែវសីមា ខេត្តមណ្ឌលគីរី មានករណីហិង្សាដោយចេតនា ដែលបង្កឡើងដោយឈ្មោះ ភេទ សម្បត្តិ ភេទប្រុស អាយុប្រហែល ២៥ ឆ្នាំជនជាតិព្នង មុខរបរ គ្រូបង្រៀន។ ចំណែកឯជនរងគ្រោះមានឈ្មោះ ព្រុំ សុខណេង ភេទប្រុស អាយុ៣០ឆ្នាំ មុខរបរ កសិករ រងរបួសត្រូវចំក្បាលក្រោយ។ អ្នកទាំង២នាក់ មានទីលំនៅស្ថិតក្នុងភូមិពូរង៉ោល ឃុំមេម៉ង់ ស្រុក កែវសីមា ខេត្តមណ្ឌលគិរី។ បច្ចុប្បន្នជនដៃដល់បានរត់គេចខ្លួនបាត់ ចំណែកឯជនរងគ្រោះត្រូវបញ្ជូនមកកាន់មណ្ឌលសុខភាព ឥឡូវនេះសមត្ថកិច្ចកំពុងតាមចាប់ជនដៃដល់យកមកផ្តន្ទាទោសតាមផ្លូវច្បាប់។
សូមបញ្ជាក់ផងដែរថា មូលហេតុ ដោយសារទាស់សម្ដីគ្នាបន្តិចបន្តួច៕
មតិយោបល់