Post News Media ព័ត៌មានជាតិ ប្លន់បាញ់ប្រហ...

ប្លន់បាញ់ប្រហារជនរងគ្រោះ យកម៉ូតូ១គ្រឿងបានដោយសុវត្ថិភាព

ព្រះសីហនុ: ក្រុម​ចោរ​ប្រដាប់​អាវុធ​មាន​គ្នា២នាក់ ប្លន់បាញ់ប្រហារ​ជន​រងគ្រោះ​ និង​យក​​ម៉ូតូ​សេ១២៥ មួយគ្រឿង​បាន​សម្រេច ​គេចខ្លួន​បាត់ស្រមោល​​ ដោយ​មិន​រំខាន​ដល់សមត្ថកិច្ច​ ​កាល​ពី​វេលាម៉ោងប្រមាណជាង១១យប់ថ្ងៃទី២៥ ខែមិថុនា ឆ្នាំ២០១៦ នៅចំណុចក្បែស្ពានអូ សំអាត ស្ថិតក្នុងក្រុមទី១៣ ភូមិ១ សង្កាត់លេខ៣ ក្រុងព្រះសីហនុ។

ប្រភព​ឲ្យដឹងថា ​ករណីប្លន់​ខាងលើនេះ​ បណ្តាលឲ្យ​អ្នកក្បែរកន្លែងកើតហេតុរងរបួសជើងខាងឆ្វេង ដោយសារក្រុមចោបាញ់មួយគ្រាប់ ប៉ុន្តែ ភាគីស្ត្រីរងគ្រោះដែលត្រូវចោរប្លន់យកម៉ូតូម៉ាកហុងដាសេ១២៥ ពណ៌ខ្មៅស៊េរី២០១៦ នោះពុំមានគ្រោះថ្នាក់អ្វីទេ។ ភាគីស្ត្រីរងគ្រោះដែលត្រូវចោរប្លន់មានឈ្នោះលឹម មុំ អាយុ២៤ឆ្នាំ មានទីលំនៅក្បែកន្លែងកើតហេតុ។​ ចំណែក​បុរសរងគ្រោះត្រូវចោរបាញ់មានឈ្មោះ ពល សាមាន ភេទប្រុស អាយុ២៣ឆ្នាំ។
បើយោងតាមស្ត្រីរងគ្រោះបានប្រាប់សមត្ថកិច្ចឲ្យដឹងថា ភិនភាគជនសង្ស័យ៖ ជិះម៉ូតូឌ្រីមសេ១២៥ ស៊េរី​ឆ្នាំ២០១៣ ពណ៌ខ្មៅ អ្នកបើកម៉ូតូអាយុប្រហែល២៨ឆ្នាំ កម្ពស់ប្រហែល១.៦៥​ម៉ែត្រ មាឌធំ ពាក់មួកការពារ ពាក់អាវធំ ពណ៌ខ្មៅ។ ចំណែកភិនភាគជនសង្ស័យអ្នកជិះពីក្រោយកាន់កាំភ្លើង កា៥៩ មាឌធំ ខ្ពស់ សម្បុលខ្មៅ (សក់រួញ) អាយុប្រហែល៣០ឆ្នាំ ពាក់អាវសដៃវែងឆ្នូត។

ដោយឡែកយោងតាមប្រភពជនរងគ្រោះដែលរងរបួសបាននិយាយថា នៅពេលកើតហេតុ ខ្លួន​បានឮសម្លេងម៉ូតូឈប់នៅក្បែរផ្ទះ មានសម្លេងស្រីនិងប្រុសស្មានថា ជាសម្លេងសង្សារខ្លួនក៏ស្ទុះមកមើលប៉ុន្តែ គ្រាន់តែដើរផុតពីផ្ទះបន្តិច ក៏ត្រូវបានគេបាញ់មកលើខ្លួនតែម្តងក្រោយទើបដឹងថា ជាក្រុមចោកំពុងប្លន់ម៉ូតូ។

​ក្រោយកើតហេតុ ប្រមាណជិតកន្លះម៉ោង ស្ត្រីរងគ្រោះបានមកដាក់ពាក្យបណ្តឹងនៅប៉ុសិ៍រដ្ឋាបាល សង្កាត់លេខ៣។ ចំណែក​ជនរងគ្រោះរបួសជើងកំពុងសង្គ្រោះ​នៅមន្ទីពេទ្យចំកាចេក​៕