កណ្ដាល: កាលពីវេលាម៉ោង៦និង៥០នាទីយប់ ថ្ងៃទី១៩ ខែតុលា ឆ្នាំ២០១៨ មានករណីហិង្សាក្នុងគ្រួសារ នៅភូមិបឹងក្រចាប់ត្បូង ឃុំព្រែកតាមាក់ ស្រុកខ្សាច់កណ្តាល ខេត្តកណ្តាល។
ជនសង្ស័យមានឈ្មោះ មួន វណ្ណ: ភេទប្រុស អាយុ៣៩ឆ្នាំ(ជាកូនប្រសារ) មុខរបរ កម្មករ។ ជនរងគ្រោះឈ្មោះ ព្រាប ព្រឿន អាយុ៨០ឆ្នាំ(ជាឪពុកក្មេក) មុខរបរ អាចារ្យ មានទីលំនៅភូមិឃុំកើតហេតុជាមួយគ្នា។
នៅមុនពេលកើតហេតុ ជនសង្ស័យផឹកស្រាស្រវឹង ហើយជេរប្រមាថលើឪពុកក្មេកថា អាព្រឿន កាន់ជើងតែកូនខ្លួនឯង អត់កាន់ជើងអញទេ លឺដូចនោះឪពុកក្មេក បានចុះពីលើផ្ទះមកដី ស្រាប់តែជនសង្ស័យ (កូនប្រសារ) កាន់កាំបិតបុ័ងតោស្ទុះទៅរកកាប់ឪពុកក្មេក ភ្លាមនោះឪពុកក្មេកក៏ស្ទុះទៅឃាត់ប្រតាយប្រតបដួលទៅលើដី បណ្តាលឲ្យឪពុកក្មេករបួសពកក្បាលខាងស្តាំផ្នែកខាងក្រោយ រីឯជនសង្ស័យរបួសពកក្បាលខាងស្តាំផ្នែកខាងក្រោយ ចំណែកឈ្មោះ ព្រឿន ភានី (កូនជនរងគ្រោះ) មុតនឹងកាំបិតត្រូវចំកំភួនដៃទាំងសងខាង ឃើញដូចនោះអ្នកជិតខាងបានឃាត់បែកចេញពីគ្នា រួចរាយការណ៍ប្រាប់សមត្ថកិច្ច។
បន្ទាប់មកសមត្ថកិច្ចនគរបាលប៉ុស្តិ៍ព្រែកតាមាក់ ចុះអន្តរាគមន៍ឃាត់ខ្លួនជនសង្ស័យបញ្ជូនមកអធិការដ្ឋាននគរបាលស្រុកខ្សាច់កណ្តាល ដើម្បីកសាងសំណុំរឿចាត់ការតាមនីតិវិធី។
សូមបញ្ជាក់ថា កន្លងមកជនសង្ស័យ ពេលផឹកស្រាស្រវឹងម្តងៗ តែងតែប្រើអំពើហិង្សាក្នុងគ្រួសារ ដោយវាយបំផ្លិចបំផ្លាញទ្រព្យសម្បត្តិក្នុងផ្ទះ និងជេរប្រមាថលើក្រុមគ្រួសារថែមទៀតផង៕
មតិយោបល់