ព្រៃវែងៈ កាលពីវេលាម៉ោង១០និង៤០នាទីព្រឹក ថ្ងៃទី២០ ខែតុលា ឆ្នាំ២០១៨ មានករណីគ្រោះថ្នាក់ចរាចរណ៍ដោយមានរថយន្តមួយគ្រឿងបុកក្មេងប្រុសម្នាក់កំពុងជិះកង់បណ្តាលឲ្យស្លាប់នៅនឹងកន្លែង នៅលើផ្លូវកៅស៊ូលេខ៣១៣ ភូមិព្រៃអង្គុញ ឃុំព្រៃកណ្តៀង ស្រុកពាមរក៍ ខេត្តព្រៃវែង។
រថយន្តដឹកគោ ម៉ាកហ៊ីយ៉ាន់ដាយ ពណ៌សលាយខៀវ ពាក់ស្លាកលេខ ស្វាយរៀង 3A-1154 អ្នកបើកបរបានរត់គេចខ្លួនបាត់បន្សល់ទុករថយន្តនៅកន្លែងកើតហេតុ។ ចំណែកក្មេងរងគ្រោះឈ្មោះ ម៉េត ដូ ភេទប្រុស អាយុ៧ឆ្នាំ រស់នៅភូមិឃុំកើតហេតុ។
ក្រោយពេលកើតហេតុ កម្លាំងជំនាញបានចុះទៅដល់កន្លែងកើតហេតុ ធ្វើការវាស់វែងនាំយករថយន្តរក្សាទុកនៅប៉ុស្តិ៍រដ្ឋបាលព្រៃកណ្តៀង។ ចំណែកសាកសពបានប្រគល់ជូនក្រុមគ្រួសារដើម្បីយកទៅធ្វើបុណ្យតាមប្រពៃណី៕
មតិយោបល់