ព្រះវិហារៈ កាលពីវេលាម៉ោង៦និង២០នាទី ថ្ងៃទី២៥ ខែតុលា ឆ្នាំ២០១៨ មានការភ្ញាក់ផ្អើលខណៈដែលប្រទះឃើញបំណែកលោហៈធាតុមួយចំនួន បានធ្លាក់រាយប៉ាយ នៅចំណុចភូមិសាស្ត្រ ភូមិស្រង់ ឃុំស្រយង់ ស្រុកគូលែន ខេត្តព្រះវិហារ។

បំណែកនោះ គឺជាបំណែកយាន ឬ ត្រូន ដែលផ្ទុះក្នុងលំហរអាកាស បានធ្លាក់រាយប៉ាយលើដីឡូត៍ ដីចំការ និងផ្ទះរបស់ប្រជាពលរដ្ឋចំនួន៩ចំណុច ហើយការធ្លាក់បំណែក ត្រូន នេះមិនបណ្តាលឲ្យរងគ្រោះដល់ប្រជាពលរដ្ឋនោះឡើយ គ្រាន់តែត្រូវដំបូលផ្ទះមួយខ្នងប៉ុណ្ណោះ។ ចំណែកបំណែកត្រូនទាំងនេះត្រូវបានយកមករក្សាទុកនៅអធិការដ្ឋាននគរបាលស្រុកគូលែន៕