ពោធិ៍សាត់ៈ នៅវេលាម៉ោង១០និង៥០នាទីព្រឹក ថ្ងៃទី៣០ ខែតុលា ឆ្នាំ២០១៨ នៅលើផ្លូវជាតិលេខ៥ ចន្លោះគីឡូម៉ែត្រ១៧១.១៧២ ភូមិត្រាំ ឃុំត្នោតជុំ ស្រុកក្រគរ ខេត្តពោធិ៍សាត់ មានករណីគ្រោះថ្នាក់ចរាចរណ៍រវាងម៉ូតូបើកបត់ឆ្វេងមិនប្រយ័ត្នត្រូវរថយន្តបុក បណ្តាលឲ្យរងរបួសធ្ងន់ស្រ្តីម្នាក់។
រថយន្តបង្កម៉ាកHYUNDAI ពាក់ស្លាកលេខ ភ្នំពេញ3B-6062 ពណ៌ក្រហម-ស បើកបរពីកើតពីលិច(អ្នកបើកបរបានរត់គេចខ្លួនបាត់) បានមកបុកម៉ូតូម៉ាក គុប៩០ ពាក់ស្លាកលេខ ត5057ភ.ព1 ពណ៍ខៀវ.ស ជិះដោយឈ្មោះ អូន អូម៉ា ភេទស្រី អាយុ១៦ឆ្នាំ រស់នៅភូមិឃុំកើតហេតុ ជិះពីកើតទៅលិចរួចបានបត់ឆ្វេងមិនប្រយ័ត្នក៏ត្រូវរថយន្តបុក បណ្តាលឲ្យរងរបួសធ្ងន់ បានបញ្ជូនទៅព្យាបាលនៅមន្ទីរពេទ្យខេត្តពោធិ៍សាត់តែម្តង។
ចំពោះករណីនេះ វត្ថុតាងទាំង២គ្រឿងបានយកមករក្សាទុកនៅអធិការដ្ឋាននគរបាលស្រុកក្រគរជាបណ្តោះអាសន្ន៕
មតិយោបល់