ពោធិ៍សាត់ៈ លោកអធិការក្រុងពោធិ៍សាត់ បានប្រាប់Post Newsថា កម្លាំងអន្តរាគមន៍ក្រុង សហការជាមួយកម្លាំងប៉ុស្តិ៍ស្វាយអាត់ បានធ្វើការឃាត់ខ្លួនជនសង្ស័យម្នាក់ ជាក្មេងទំនើង ដកហូតបានកាំបិតកែច្នៃចំនួន៤ដើម ។
ការឃាត់ខ្លួននេះធ្វើឡើងនៅម៉ោង៩និង៣០នាទី ថ្ងៃទី២៩ ខែតុលា ឆ្នាំ២០១៨ នៅចំណុចផ្ទះឈ្មោះ សុខ ដាលីន ភេទស្រី អាយុ៥០ឆ្នាំ រស់នៅភូមិស្ថានីយ៍ សង្កាត់ស្វាយអាត់ ក្រុងពោធិ៍សាត់ ខេត្តពោធិ៍សាត់។
ជនសង្ស័យមានឈ្មោះ ឌឿន អានុន ភេទប្រុស អាយុ១៨ឆ្នាំ រស់នៅភូមិចំការចេកខាងជើង សង្កាត់ផ្ទះព្រៃ វត្ថុតាងដកហូតមាន កាំបិតកែច្នៃចំនួន៤ដើម។
បច្ចុប្បន្នជនសង្ស័យរួមនិងវត្ថុតាងរក្សាទុកនៅអធិការដ្ឋាននគរបាលក្រុងដើម្បីកសាងសុំណុំរឿងបញ្ជូនទៅកាន់ការិយាល័យជំនាញនៃស្នងការដ្ឋាននគរបាលខេត្តចាត់ការតាមច្បាប់បន្តទៀត៕
មតិយោបល់