ផ្ទះ ព័ត៌មានជាតិ លួចម៉ូតូហើយជិ...

លួចម៉ូតូហើយជិះឡើងសង្ហា ចំពេលសមត្ថកិច្ចកំពុងរកមុខ ប្រទះឃើញភ្លាមមិនចាំយូ…

0

ភ្នំពេញ: សមត្ថកិច្ចឃាត់ខ្លួនជនសង្ស័យម្នាក់ ករណីលួចម៉ូតូ ត្រង់ចំណុចផ្ទះលេខ ៣៨៩ ផ្លូវបេតុង ភូមិ ទ្រា៤ សង្កាត់ ស្ទឹងមានជ័យទី៣ ខណ្ឌមានជ័យ រាជធានីភ្នំពេញ កាលពីថ្ងៃទី២៧ ខែតុលា ឆ្នាំ២០១៩ ។

ជនរងគ្រោះឈ្មោះ សួន មីដា ភេទប្រុស អាយុ ២៦ ឆ្នាំ ជនជាតិខ្មែរ មុខរបរនិស្សិត រស់នៅផ្ទះជួល ផ្លូវលេខ១១៨ សង្កាត់ផ្សារដេប៉ូ៣ ខណ្ឌទួលគោក រាជធានីភ្នំពេញ។
ជនសង្ស័យឈ្មោះ ថុល វុទ្ធីម ភេទប្រុស អាយុ ២៦ ឆ្នាំ ជាជនជាតិខ្មែ មុខរបរ ជាងភ្លើង រស់នៅផ្ទះជួល សង្កាត់ទឹកថ្លា ខណ្ឌសែនសុខ រាជធានីភ្នំពេញ។ចំណែកបក្ខពួកឈ្មោះ ធី រត់គេចខ្លួន។

ដំណើររឿង៖ មុនពេលកើតហេតុ ជនរងគ្រោះបានជិះម៉ូតូ០១គ្រឿងម៉ាក និច ពណ៌ផ្កាឈូក ពាក់ស្លាកលេខ ភ្នំពេញ 1HS-7131 មកចតទុកនៅកន្លែងធ្វើការ ត្រង់ចំណុចខាងលើ ខណ:វេលាម៉ោង ១៥ និង ៣៥នាទី ជនរងគ្រោះចេញមករកមើលម៉ូតូស្រាប់តែបាត់មិនឃើញ ក៏ដាក់ពាក្យបណ្តឹងនៅស្នាក់ការនគរបាលប៉ុស្តិ៍ស្ទឹងមានជ័យទី៣ឲ្យជួយអន្តរាគមន៍។
បន្ទាប់ពីទទួលបានបណ្ដឹងសមត្ថកិច្ចចុះដល់ទីតាំងកើតហេតុ ពិនិត្យមើលកាមេរ៉ាសុវត្ថិភាពដែលបំពាក់នៅកន្លែងកើតហេតុ ឃើញជនសង្ស័យ២នាក់ មិនស្គាល់អត្តសញ្ញាណ ជិះម៉ូតូ០១គ្រឿងម៉ាកស្គូបពី ពណ៌ខ្មៅ ពាក់ស្លាកលេខ ភ្នំពេញ 1HV-3570 ធ្វើសកម្មភាពលួចយកម៉ូតូរបស់ជនរងគ្រោះ។ លុះដល់វេលាម៉ោង ១៨ និង ៣៥នាទី ថ្ងៃទី២៨ ខែតុលា ឆ្នាំ២០១៩ សមត្ថកិច្ចធ្វើការស្រាវជា្រវ ឃើញជនសង្ស័យកំពុងជិះម៉ូតូត្រង់ចំណុចផ្លូវ ៣៧១ ភូមិទ្រា៤ សង្កាត់ស្ទឹងមានជ័យ ក៏ឃាត់ខ្លួនយកមកសួរនាំនៅប៉ុស្តិ៍នគរបាល។

ក្រោយឃាត់ខ្លួនជនសង្ស័យបានសារភាពថា ខ្លួនពិតជាបានជិះម៉ូតូឌុបបក្សពួក មកធ្វើសកម្មភាពលួចម៉ូតូរបស់ជនរងគ្រោះប្រាកដមែន បន្ទាប់មកសមត្ថកិច្ចកសាងសំណុំរឿង ដើម្បីចាត់ការតាមនីតិវីធី៕

Loading...

Leave a Reply

This site uses Akismet to reduce spam. Learn how your comment data is processed.