កំពង់ចាមៈ កាលពីវេលាម៉ោង១០និង៤៥នាទីព្រឹក ថ្ងៃទី០៨ ខែវិច្ឆិកា ឆ្នាំ២០១៨ នៅចំណុចខាងកើតឈាងខាងជើង វត្តបឹងកុក ភូមិបឹងកុកទី២ សង្កាត់បឹងកុក ក្រុងកំពង់ចាម មានករណីភ្លើងឆេះវាលស្បូវកំប្លោកលើផ្ទៃទឹកបឹងកុក បណ្តាលឲ្យរាលដាលឆេះពាក់កណ្តាលបឹង។
ក្នុងករណីនេះកម្លាំងនគរបាលពន្លត់អគ្គិភ័យខេត្ត សហការជាមួយកម្លាំងអធិការដ្ឋាននគរបាលស្រុកកំពង់សៀម អធិការដ្ឋានក្រុងកំពង់ចាម ចរាចរ ប៉ុស្តិ៍រដ្ឋបាលនឹងប្រជាការពារចុះជួយអន្តរាគមន៍ ពន្លត់រលត់អស់100% នៅម៉ោង១២និង៣០នាទីថ្ងៃត្រង់
ប្រើប្រាស់រថយន្តអគ្គីភ័យចំនួន៥គ្រឿង (រថយន្ដពន្លត់អគ្គីភ័យនៃការិយាល័យអគ្គិភ័យខេត្ត៤គ្រឿង, រថយន្តអគ្គិភ័យ នៃអធិការដ្ឋានស្រុកកំពង់សៀម១គ្រឿង អស់ទឹក ចំនួន២០រថយន្ត។
ដោយមានការអន្តរាគមន៍ទាន់ពេលវាលា ទើបមិនបណ្តាលឲ្យគ្រោះថ្នាក់ដល់ផ្ទះសំបែងរបស់ប្រជាពលរដ្ឋ រឺអាយុជីវិតមនុស្សឡើយ៕
![](https://i0.wp.com/postnews.com.kh/wp-content/uploads/2018/11/photo_2018-11-08_16-25-35.jpg?fit=1000%2C749&ssl=1)
![](https://i0.wp.com/postnews.com.kh/wp-content/uploads/2018/11/photo_2018-11-08_16-25-36.jpg?fit=1000%2C749&ssl=1)
![](https://i0.wp.com/postnews.com.kh/wp-content/uploads/2018/11/photo_2018-11-08_16-25-37.jpg?fit=1000%2C749&ssl=1)
![](https://i0.wp.com/postnews.com.kh/wp-content/uploads/2018/11/photo_2018-11-08_16-25-38-2.jpg?fit=1000%2C472&ssl=1)
![](https://i0.wp.com/postnews.com.kh/wp-content/uploads/2018/11/photo_2018-11-08_16-25-38.jpg?fit=1000%2C563&ssl=1)
មតិយោបល់