កំពង់ស្ពឺៈ មានករណីគ្រោះថ្នាក់ចរាចរណ៍មួយបានកើតឡើង រវាងម៉ូតូម៉ាកអ៊ិចស៊ែនទ័រ ពណ៌ខ្មៅលាយសក្រហម គ្មានស្លាកលេខ បើកបរដោយបុរសម្នាក់ បានបុកជាមួយម៉ាកហុងដាសេ៥០ គុបជ្រុង ពណ៌ខៀវ ពាក់ស្លាកលេខ ទ.១៧៤៧ ភព១ បើកបរដោយក្មេងប្រុសអាយុ១៥ឆ្នាំម្នាក់ ពេញទំហឹង បណ្តាលឲ្យភាគីម៉ូតូគុបជ្រុង ស្លាប់ភ្លាមៗមួយរំពេច និងភាគីម៉ូតូអ៊ិចស៊ែនទ័រ រងរបួសធ្ងន់ ត្រូវបានបញ្ជូនទៅសង្គ្រោះនៅមន្ទីរពេទ្យ។
ហេតុការណ៍នេះកើតឡើងនៅព្រឹកថ្ងៃទី១០ ខែវិច្ឆិកា ឆ្នាំ២០១៨ភូមិចំការបុស្ស ឃុំវល្លិសរ ស្រុកសំរោងទង ខេត្តកំពង់ស្ពឺ។
ក្រោយកើតហេតុសមត្ថកិច្ចបានធ្វើការវាស់វែង នាំយកវត្ថុតាងទៅរក្សាទុករង់ចាំដោះស្រាយគ្នាតាមច្បាប់ និងប្រគល់សពឲ្យសាច់ញាតិធ្វើបុណ្យតាមប្រពៃណី៕
មតិយោបល់