ភ្នំពេញៈ នៅវេលាម៉ោង២និង៥០នាទីរសៀល ថ្ងៃទី១២ ខែវិច្ឆិកា ឆ្នាំ២០១៨ មានករណីគ្រោះថ្នាក់ចរចរណ៍រវាងរថយន្តនិងរថយន្ត បណ្តាលឲ្យរងការខូចខាតយ៉ាងដំណំ នៅចំណុចភ្លើងស្តុបបឹងកក់ ផ្លូវរថភ្លើងR6 ក្នុងសង្កាត់ស្រះចក ខណ្ឌដូនពេញ។
នៅមុនពេលកើតហេតុ គេឃើញមានរថយន្តម៉ាក ford ពណ៌ស ពាក់ស្លាកលេខ ភ្នំពេញ2AL-9336 បើកបរដោយបុរសវ័យក្មេងម្នាក់ ពីជើងទៅត្បូង លុះមកដល់កន្លែងកើតហេតុក៏បានឈប់ភ្លើងស្តុប ស្រាប់តែមានរថយន្តម៉ាកកាមរីបាឡែន ពណ៌ទឹកមាស ពាក់ស្លាកលេខ ភ្នំពេញ2AI-0034 បើកបរដោយបុរសវ័យជាង៤០ឆ្នាំម្នាក់(បើកបរក្នុងស្ថានភាពស្រវឹងខ្លាំង និងបានឡើងជិះម៉ូតូឌុបទៅបាត់ស្រមោល)បើកមកពីក្រោយបុកចំស្តុបខាងក្រោយ បណ្តាលឲ្យរងការខូចខាតតែម្តង។
ក្រោយពេលកើតហេតុ បានចុះទៅដល់កន្លែងកើតហេតុ និងរង់ចាំជិត១ម៉ោង ទើបមានឃើញស្ត្រី២នាក់ ដែលជាប្រពន្ធ និងប្អូនថ្លៃតំណាងខាងរថយន្តបាឡែនបានមកដល់ធ្វើការដោះស្រាយដោយយល់ព្រមសងថ្លៃខូចខាតទៅដល់ភាគីរថយន្តford ចំនួន១០០ដុល្លារបញ្ចប់រឿងតែម្តង៕
មតិយោបល់