Post News Media ព័ត៌មានជាតិ គណ:កម្មការចម្...

គណ:កម្មការចម្រុះខេត្តសៀមរាប ចុះបិទទីតាំងអាហារដ្ឋាន ឈ្មោះ ស៊ីលវើ ហ្វើន

សៀមរាប: កាលពីរសៀលថ្ងៃទី ១៤ ខែ មីនា ឆ្នាំ២០១៩ គណ:កម្មការចម្រុះខេត្ត ដែលដឹកនាំដោយលោក អ៊ឹម សុភ័ណ្ឌ នាយកទីចាត់ការអន្តរវិស័យ នៃសាលាខេត្តសៀមរាប បានចុះអនុវត្តដីកា របស់រដ្ឋបាលខេត្ត ស្តីពីការធ្វើការផ្អាកសកម្មភាពធ្វើអាជីវ កម្មភោជនីយដ្ឋាន ឈ្មោះ ស៊ីល វើ ហ្វើន ជាកម្មសិទ្ធរបស់លោក ភាវ ផានីន ជាអ្នកគ្រប់គ្រង ស្ថិតនៅក្នុងភូមិ ស្ទឹងថ្មី សង្កាត់ស្វាយដង្គំ ក្រុង ខេត្តសៀមរាប ដែលជាជនទី២ បានជួលបន្តពីជនបរទេសម្នាក់ ដែលបានកំពុងគេចខ្លួន ពុំបានចូលខ្លួនមកដោះស្រាយជាមួយម្ចាស់ដើម មានឈ្មោះ ម៉ម ចាន់ ភេទ ប្រុស អាយុ ៥៨ឆ្នាំ មានទីលំនៅក្នុងភូមិខាងលើនេះ ។

តាមការបញ្ជាក់របស់លោក ម៉ម ចាន់ ជាម្ចាស់ផ្ទះដើម បានឲ្យដឹងថា លោកបានជួលលំនៅដ្ឋានរបស់ខ្លួនឲ្យទៅជន បរទេស តាមរយ:ឈ្មោះ ភាវ ផានីន ក្នុងតម្លៃ ៨០០ដុល្លាក្នុងមួយខែ ។ តែនៅពេលជនបរទេសនោះ បើកធ្វើអាជីវកម្មរបស់ ខ្លួន មិនបានជោគជ័យនោះ ជនបរទេសរូបនោះបានជួលឲ្យបន្តទៅឲ្យឈ្មោះ ភាវ ផានីន ដើមី្បធ្វើអាជីវកម្មបន្ត ហើយក៏ត្រូវ បានឈ្មោះ ភាវ ផានីន បានជួលបន្តទៅឲ្យជនបរទេសដែលបានកំពុងធ្វើអាជីវកម្មបច្ចុប្បន្ននេះ ។ លោកបានឲ្យដឹងទៀតថា ចំពោះថ្លៃផ្ទះក្នុងរយ:ពេលពីខែ សីហា ឆ្នាំ២០១៦ មកដល់ថ្ងៃនេះ ម្ចាស់ផ្ទះក៏ពុំបានទទួល ព្រមទាំងធ្វើឲ្យខូចខាតនូវសម្ភារ: ក្នុងផ្ទះមួយចំនួនទៀតផង ។
តាមការបញ្ជាក់របស់ជនបរទេសបើកធ្វើអាជីវកម្ម ដែលជាជនរងគ្រោះនោះ បានឲ្យដឹងថា រូបគាត់បានធ្វើការបង់ថ្លៃ ផ្ទះជូនទៅឈ្មោះ ភាវ ផានីន ក្នុងមួយខែ១ពាន់ដុល្លា ជារៀងរាល់ខែ ដោយគាត់គិតថា ឈ្មោះ ភាវ ផានីន ជាម្ចាស់ផ្ទះ ។

ក្នុងឱកាសនោះដែរក៏មានលោក ស៊ុត ជារាម មេធាវី តំណាងឲ្យឈ្មោះ ភាវ ផានីន បានចូលមកធ្វើការបកស្រាយជូនដល់គណ: កម្មការចម្រុះ អំពីហេតុផលដែលកើតឲ្យមានការប្តឹងផ្តល់ដល់តុលាការ ដែលដើមបណ្តឹងឈ្មោះ ភាវ ផានីន ប្តឹងទៅឈ្មោះ ម៉ម ចាន់ ដែលជាម្ចាស់ផ្ទះទៅតុលាការ បានកំពុងបន្តនីតិវិធីដោះស្រាយតាមផ្លូវតុលាការពាក់ព័ន្ធកិច្ចសន្យាជួលអចលនវត្ថុ។
ក្នុងនោះដែរលោក អ៊ឹម សុភណ្ឌ័ បានធ្វើការសម្របសម្រួលជាមួយម្ចាស់ផ្ទះដើម ក្នុងការជួយដល់ជនបរទេសដែល ទទួលរងគ្រោះ ដើមី្បឲ្យភាគីទាំងពីរ ធ្វើកិច្ចសន្យានឹងគ្នាជាមួយគ្នា ដោយជនបរទេសជាម្ចាស់ហាងរូបនេះ ជាអ្នកជួលបន្ត គាត់ពុំមានការពាក់ព័ន្ធទៅនឹងករណីនេះឡើយ តែភាគីម្ចាស់ផ្ទះមិនបានយល់ព្រមឡើយ និង បានសំណូមឲ្យគណ:កម្មការបិទជាបណ្តោះអាសន្ន រងចាំការដោះស្រាយជាក្រោយ រឿងការខាតបង់គឺឈ្មោះ ភាវ ផានីន ជាអ្នកទទួលខុសត្រូវ ព្រមទាំង ចូលខ្លួនមកដោះស្រាយទៅតាមផ្លូវច្បាប់ ។ ដើមើ្បធានាដល់សិទ្ធស្របច្បាប់របស់អចលនវត្ថុ និង ការប្រកបអាជីវកម្មភោជនីយដ្ឋាន ដែលគ្មានច្បាប់ អនុញ្ញាតពីអាជ្ញាធរមានសមត្ថកិច្ច រដ្ឋបាលខេត្ត បានសម្រេចផ្អាកការធ្វើអាជីវកម្មភោជនីយដ្ឋាន ស៊ីល វើ ហ្វើន ដែលមាន ទីតាំង ស្ថិតនៅលើក្បាលដីលេខ ០៧៤៦ ភូមិ ស្ទឹងថ្មី សង្កាត់ស្វាយដង្គំ ក្រុង ខេត្តសៀមរាប ជាបណ្តោះអាសន្ន រហូតដល់មានការសម្រេចពីស្ថាប័នតុលាការ ។
ក្នុងសេចក្តីជូនដំណឹងរបស់រដ្ឋបាលខេត្ត ក៏បានបញ្ជាក់ផងដែរថា បន្ទាប់ពីមានការដោះស្រាយបានចប់រួចរាល់ តាម ច្បាប់ជាធរមានហើយ ក្នុងករណីលោកមានបំណងបើកធ្វើអាជីវកម្មឡើងវិញ គឺត្រូវស្នើសុំច្បាប់អនុញាតពីអាជ្ញាធរមានសមត្ថ កិច្ចជាមុន ៕